Adzin z zajaŭnikaŭ Eŭramaršu, Jaŭhien Afnahiel, aryštavany nieŭzabavie paśla «kanstruktyŭnych» pieramovaŭ u Mienharvykankamie.
Zajaŭnik Eŭrapiejskaha maršu, aktyvaist niezarehistravanaj hramadzianskaj inicyjatyvy «Džyns za Svabodu» Jaŭhien Afnahiel 8 kastryčnika byŭ prysudžany Centralnym sudom Miensku da 10 sutak aryštu. Hetuju infarmacyju sajtu Chartyi‑97 paćvierdzili ŭ specprymalniku‑raźmierkavalniku na zavułku Akreścina ŭ Miensku, kudy apazycyjaner byŭ dastaŭleny ŭčora ŭviečary. Jak stała viadoma Chartyi‑97, vonkavaje nazirańnie za Jaŭhienam viałosia z taho momantu, jak aktyvist vyjšaŭ ź Mienharvykankamu, dzie jon udzielničaŭ u pieramovach z haradzkimi ŭładami z nahody praviadzieńnia Eŭrapiejskaha maršu. Apazycyjaner byŭ schopleny supracoŭnikami milicyi. Zajaŭnika Eŭrapiejskaha maršu sudzili na zakrytym pracesie biez udziełu advakata.
8 kastryčnika Jaŭhien Afnahiel razam ź inšymi zajaŭnikami Eŭrapiejskaha maršu sustrakaŭsia z kiraŭnikom idealahičnaj upravy Mienharvykankamu Hienadziem Kurbiekam, namieśnikam prakurora Alaksandram Stukam i namieśnikam načalnika HUUS Mienharvykankamu Ivanam Mielnikavym. Jak kazaŭ paśla pieramovaŭ Jaŭhien Afnahiel, sustreča z pradstaŭnikami haradzkich uładaŭ prajšła «kanstruktyŭna»
«Abodva baki vykazali žadańnie kanstruktyŭna abmierkavać varyjanty praviadzieńnia Eŭrapiejskaha maršu. I ŭłady, i my vykazali žadańnie pravieści akcyju mirna. My prapanavali dać infarmacyju pra Eŭrapiejski marš pa dziaržaŭnych televizijnych kanałach, radyjostancyjach i hazetach, a taksama prasili dać nam mašyny z hukaŭzmacnialnikami. Upieršyniu za mnohija hady ŭłady nie davodzili da apazycyi hatovaje rašeńnie, a viali dyjaloh. Pradstaŭniki Mienharvykankamu paviedamili, što rašeńnie budzie pryniataje z ulikam siońniašniaj sustrečy i budzie nakiravanaje zajaŭnikam Eŭrapiejskaha maršu», — paviedamiŭ paśla vychadu ź Mienharvykankamu Jaŭhan Afnahiel.
Adnak praź niekalki hadzin apazycyjanera aryštavali.
U specprymalniku‑raźmierkavalniku na Akreścina ŭžo znachodzicca siabra arhakamitetu Eŭrapiejskaha maršu Źmicier Barodka, demakratyčny aktyvist Lavon Navicki, pravaabaronca Śviatłana Harachavik, aktyvisty hramadzianskaj kampanii «Za svabodu» Ihar Bałykin i Ihar Ciško.
Źmitra Barodku, a taksama demakratyčnaha aktyvista Leanida Navickaha i pravaabaroncu Śviatłanu Harochavik zatrymali 1 kastryčnika ŭ rajonie Mienskaha traktarnaha zavoda. Dva aŭtamabili, u jakich apazicyjaniery jechali dadomu ŭ Barysaŭ, spynili supracoŭniki DAI. Milicyjanty padsieli ŭ mašyny da zatrymanych i advieźli ich u Centralny RUUS Mienska. Adnak u milicejskich pratakołach było skazanaje, što aktyvisty nibyta zatrymlivalisia na vulicy Zasłaŭskaj supracoŭnikami pałka milicyi śpiecyjalnaha pryznačeńnia (były AMAP). Apazicyjaniery nibyta raspaŭsiudžvali haziety, a na zaŭvahi amapaŭcaŭ reahavali niecenzurnaj łajankaj. Ale ŭ hety čas aktyvisty znachodzilisia ŭ zusim inšym miescy — la Mienskaha traktarnaha zavoda, dzie ich i zatrymali. Na nastupny dzień apazicyjanieraŭ prysudzili da 15 sutak aryštu.
-
Biełarus z prablemami ź psichikaj staŭ u Rasii naminalnym dyrektaram. A jak sprava nakryłasia, zabrali na front — u adzin kaniec
-
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
-
«Kibierpartyzany» i hrupa Silent Crow zajavili pra ŭzłom Rasstata i atrymańnie danych pra vajennyja straty
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary