Słynnamu historyku 29 krasavika spoŭniŭsia b 91 hod.
29 krasavika 2012 hoda spoŭniŭsia 91 hod sa dnia naradžeńnia Mikoły Jermałoviča. Knihi i artykuły historyka, apublikavanyja ŭ apošniaje dziesiacihodździe XX stahodździa, stali adkryćciom staražytnaj Biełarusi.
(Kinačasopis "Braty Jermałovičy", 1993 h., režysier U.Kavaleŭ, apieratar U. Cyrtkoŭ; kinastudyja “Biełaruśfilm”)
Jermałovič naradziŭsia ŭ vioscy Małyja Navasiołki ciapierašniaha Dziaržynskaha rajona. Skončyŭ miascovuju škołu, potym- Minski piedahahičny instytut. Pracavaŭ zahadčykam Šarkoŭščynskaha rajonnaha piedahahičnaha kabinieta, nastaŭnikam u Mardovii, inśpiektaram Suražskaha rajonnaha adździeła narodnaj aśviety, zavučam u Dziaržynsku. U 1948-1955 hadach - staršy vykładčyk kafiedry biełaruskaj litaratury Maładziečanskaha nastaŭnickaha instytuta, nastupnyja dva hady - zahadčyk mietadyčnaha kabinieta Maładziečanskaha abłasnoha instytuta ŭdaskanaleńnia nastaŭnikaŭ. U vyniku praktyčna poŭnaj adsutnaści zroku - (- 27) - vyjšaŭ na piensiju...
Bolš čym čatyry dziesiacihodczi - z 1957-ha pa 2000-y - Mikoła Jermałovič daśledavaŭ i vyvučaŭ staražytnyja biełaruskija letapisy, tvory, inšyja histaryčnyja krynicy.
Vynikam hetaha stali jaho asabistyja knihi: "Darahoje biełarusam imia" (1970 h), "Staražytnaja Biełaruś: Połacki i Novaharodski pieryjady" (1990 h), “Pa śladach adnaho mifa” (1989 i 1991 hady vydańniaŭ), "Staražytnaja Biełaruś: Vilenski pieryjad" (1994 h.), i asabliva - "Biełaruskaja dziaržava Vialikaje kniastva Litoŭskaje" (1999 h).Jany prymusili ŭsich nas pa-novamu pahladzieć na šmatlikija padziei i daty ŭ ajčynnaj historyi, pierahledzieć acenki asob mnohich dziaržaŭnych dziejačaŭ staražytnaj i siaredniaviečnaj Biełarusi. Ab hetym i nie tolki historyk sam raspaviadaje ŭ pradstaŭlenym videamateryjale.
Za vialikuju daśledčyckuju i padźvižnickuju dziejnaść, abjektyŭnaje vyvučeńnie historyi našaj Baćkaŭščyny ŭ 1992 hodzie Mikałaj Ivanavič Jermałovič byŭ uhanaravany Dziaržaŭnaj premijaj Respubliki Biełaruś - adnym ź pieršych u maładoj suvierennaj niezaležnaj dziaržavie. Trahična zahinuŭ historyk 4 sakavika 2000 hoda, trapiŭšy ŭ Minsku pad koły mašyny.
-
Vyklučny vypadak: raka Pronia padmyła bierah z kurhanami, i znajšoŭsia redkaj daskanałaści harščok, jakomu 5000 hadoŭ
-
Archieołahi raskryli mahutny padmurak zachodniaj ściany połackaj Safii
-
Na Pałtaŭščynie znajšli denaryj Vitaŭta i ŭpryhažeńni jak na rańnich chryścijanskich mohilnikach Kiernava i Vilni
Ciapier čytajuć
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram16
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary