Pačynajecca rasprodaž histaryčnych pomnikaŭ rasiejcam: možna kupić i pałac Radziviłaŭ
U našaj krainie rujnujucca sotni staradaŭnich budynkaŭ.
Siadziby i pałacy razrabavanyja, mnohija daŭno nie padlahajuć adnaŭleńniu. Miascovyja ŭłady robiać niaśmiełyja sproby pradać ich z aŭkcyjonaŭ, ale efiektyŭnaść takoj pracy blizkaja da nula. Rekłamy ŭ internecie niama, a «rajonki», dzie raźmiaščajuć infarmacyju, nichto nie čytaje. Chutka situacyja moža źmianicca. Ministerstva kultury sprabuje realizavać pałacy z dapamohaj ahienctvaŭ nieruchomaści.
Hrafa «pałacy i siadziby» źjaviłasia niekatory čas tamu na sajcie AN «Silvan». Pakul da prodažu prapanujucca 16 abjektaŭ. Siarod ich — siadziba Rejtanaŭ (Bresckaja vobłaść, Lachavicki rajon, vioska Hrušaŭka), pałac Patockich u Vysokim (Bresckaja vobłaść, Kamianiecki rajon), Pałac Radziviłaŭ (v. Pałanečka, Baranavicki rajon), siadziba ŭ vioscy Fłaryjanava i h.d.
— U Biełarusi idzie rasprodaž pałacaŭ i siadzibaŭ. Častka ź ich źjaŭlajecca pomnikami architektury, častka nie. Stajać jany ŭ asnoŭnym na bałansie ŭ miascovych vykankamaŭ, — kaža dyrektar ahienctva «Silvan» Adelina Papova. — Ale na miescach prodažam zajmacca nie chočuć. Ministerstva kultury tamu prapanavała ŭziać hetuju pracu nam. Zajmajecca našaje ahienctva, a taksama «Čas Pik». Častku abjektaŭ užo vystavili ŭ internet, jašče častka źjavicca nieŭzabavie.
Košty, darečy, na sajtach nie paznačanyja. Čamu?
— Jany śmiešnyja. U Mahiloŭskaj vobłaści majontak kniazioŭ Ramanavych, naprykład, pradajecca za 300 000 biełaruskich rubloŭ. Ale košty ŭstaloŭvajem nie my, a Dziaržkammajomaści. Bolšaść pałacaŭ znachodziacca ŭ raźbitym stanie. Adny ścieny stajać. Toje, što maje
Dva majontki, pa słovach Adeliny Papovaj, užo pradadzienyja rasijcam. Na ich, miarkujučy pa ŭsim, i raźličanaja prapanova Minkulta.
— Rasijcy kuplajuć, restaŭrujuć, ramantujuć. U Viciebskaj vobłaści z razburanaha budynka zrabili hatel, voziać tudy turystaŭ.
Jak kažuć śpiecyjalisty, da rekanstrukcyi pamiatnych budynkaŭ buduć stavicca pilna. Niaźmiennaje patrabavańnie — adnavić pieršapačatkovaje abličča abjekta. Nu, a interjer moža być raznastajnym i zaležać ad žadańniaŭ uładalnika.
-
Vyjšli treciaja i čaćviortaja častki sahi «Silva Rerum»
-
Viktar Marcinovič prezientavaŭ u Vilni navukovuju knihu, u asnovie jakoj — jaho siamiejnaja historyja
-
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia
Ciapier čytajuć
Kurejčyk: Dzieci Cichanoŭskich pierajechali ŭ ZŠA24
Kamientary