Sam vinavaty: Na Mahiloŭščynie piensijanieru pieravod z Rasii dla składanaj apieracyi vydali biełaruskimi rublami
Paviedamleńnie pra čerykaŭskaha piensijaniera, jakomu na lačeńnie ŭ Maskvie siastra dasłała z Rasii hrašovy pieravod, a na pošcie rajcentra jaho vydali biełaruskimi rublami, vyklikała šyroki hramadski rozhałas.Ludzi aburajucca situacyjaj, u jakoj apynuŭsia invalid pa zroku Mikałaj Carkoŭ. Kab nie aślepnuć, jamu nieabchodna apieracyja. A jak tłumačać toje, što zdaryłasia, supracoŭniki rajvykankama i «Biełpošty»?
U Čerykaŭskim rajvykankamie parušeńnia pravoŭ Mikałaja Carkova nie ŭbačyli. Supracoŭnica ideałahičnaha adździeła zajaviła, što vypłata pieravodu adbyłasia ŭ adpaviednaści z zakanadaŭstvam: «Ja ž viedaju hetaha čałavieka. Jon davoli piśmienny taki.
Hetu situacyju jon pavinien byŭ praličyć.Ci vyhadna jamu heta budzie, ci ŭkładajecca jon u hetu sumu, ci nie. Viadoma, jon svaje hrošy straciŭ. Kurs ža ŭ nas idzie aficyjny, a na čornym rynku jon u dva razy amal bolšy. Treba było padumać, moža, z
Na pošcie, dzie atrymaŭ pieravod Carkoŭ, skazali: «Nam prychodziać rasijskija hrošy. Pieravod prychodzić tolki ŭ biełaruskich rublach. My tolki ź biełaruskimi pracujem. Valuty ŭ nas niama. Heta kali b jany vysłali na bank hrošy, to tady b atrymali ŭ rasijskich rublach».
U adździele płaciažoŭ RUP «Biełpošta» dali svajo tłumačeńnie situacyi: «My ŭ svajoj dziejnaści kirujemsia pastanovami Savieta ministraŭ i Nacyjanalnaha banka. Da nas hrošy prychodziać u rasijskich rublach, zatym jany kanviersujucca pa kursie Nacyjanalnaha banka. Kali hetamu čałavieku treba jechać na lačeńnie za miažu, to jon moža źviarnucca ŭ bank, i jamu mohuć vydzielić niejkija srodki ŭ valucie».
Karespandent: «Ci mahli jamu skazać na pošcie pra takuju situacyju?»
Supracoŭnica «Biełpošty»: «Na pošcie, viadoma, mahli skazać. Moža, tam byŭ pracaŭnik nie zusim kampietentny.
Ale zahadčyk adździaleńnia suviazi moh by pra heta i skazać».
Što dumaje sam pra svaju situacyju Carkoŭ? «Heta nahły ŭčynak, — kaža jon. — Absalutna nahły. Dasyłajuć dapamohu svajaki ŭ rasijskich rublach, a mnie addajuć u biełaruskich. Ja nie pa svajoj voli jedu ŭ Maskvu. Ja byŭ u Minsku, i jany mnie dali nakiravańnie.
Mnie ŭ Biełarusi dapamahčy nie mohuć. Ja nie adzin u takoj situacyi. Heta ŭsio sumirujecca ŭ toje, u jakoj dziaržavie my žyviem».
Carkoŭ — vieteran vajny. Pieražyŭ błakadu Leninhrada. Dapamohu na lačeńnie ŭ Maskvie jamu dasłała z Krasnadarskaha kraju
U Mikałaja Carkova chvoryja dva voki.
Kab uratavać jaho ad poŭnaj ślepaty, nieabchodna apieracyja.Raniej na adnym voku jaje ŭžo rabili. Zaraz patrebna jašče adna. Da apieracyi jon rychtavaŭsia dva miesiacy, piŭ śpiecyjalnyja preparaty.
Kamientary