Apošniaja vajna sajuznaj dziaržavy
Rasiejska-biełaruski film — hłamurna-hieraičnaje vyciskańnie ślozaŭ na temu minułaj vajny.
Bresckaja krepaść (Briestskaja krieposť)
Rasieja — Biełaruś, 2010, kalarovy, 131 chv.
Režysior: Alaksandr Kot
Roli vykonvajuć: Alaksiej Kapašoŭ, Andrej Miarźlikin, Pavał Dzieravianka, Alaksandr Koršunaŭ, Jaŭhien Cyhanoŭ, Jury Anpiłohaŭ
Žanr: Vajenny film
Adznaka: 4 (z 10)
22 červienia 1941 hodu. Chłopčyk Saša (!), jaki staŭsia śviedkam vajennych dziejańniaŭ, raskazvaje pra abaronu Bresckaje krepaści. Supraciŭ nacystam ačolvajuć kamandzir Piotr Haŭryłaŭ, kamisar Jafim Famin i kiraŭnik pamiežnaj zastavy Andrej Kiževataŭ.
Stužka Alaksandra Kata zajaŭlenaja, jak «pieršy film Sajuznaj dziaržavy». Biudžet vajennaj karciny — da 6 młn dalaraŭ. Film musiŭ padreślić adviečny hieraizm savieckich ludziej, abjadnanych sajuznaj historyjaj.
U adroźnieńni ad bieznadziejnaj biełaruśfilmaŭskaj vajny apošnich hadoŭ, u karcinie majucca kavałki halivudzka-čałaviečych historyj, pazyčanych ź filmaŭ katastrofaŭ dyj «Pirł-Charbaru». Kamputarnyja efiekty achajniejšyja za biełaruskija. Naviaźlivaje zamarudžvańnie achajna demanstruje źniaviečanyja cieły.
Karcina — pradumanaje hłamurna-hieraičnaje vyciskańnie ślozaŭ. U Rasiei film abviaścili šedeŭram; hledačy zachodziacca ad patryjatyzmu. Ale hramatny płastykavy klip z tolikaj čałaviečych emocyj, parazdadzienych ałavianym žaŭnierykam — jašče adna imitacyja.
U imitacyi ryfmujucca čyrvań zołaku i saviecki ściah, niepachisnaść — i biełaruski akcent, Saznaja dziaržava — i jejnaja pustata.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?26
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary