Ciapier kandydataŭ zastałosia čatyrnaccać.
Jašče adzin pretendent na pasadu prezidenta Biełarusi, načalnik siektara źniešnieekanamičnaj dziejnaści AAT «Viciebski płodaaharodninny kambinat» Siarhiej Ryžoŭ, zajaviŭ ab spynieńni zboru podpisaŭ i źniaćci z vybarčaj kampanii. Pra heta havorycca ŭ zajavie Ryžova, raspaŭsiudžanaj 21 kastryčnika.
«Maja inicyjatyŭnaja hrupa, členam jakoj źjaŭlajusia i ja, spyniaje zbor podpisaŭ, nie nabraŭšy ŭstanoŭlenaj kolkaści dla rehistracyi mianie ŭ jakaści kandydata na pasadu prezidenta Respubliki Biełaruś», — rastłumačyŭ Ryžoŭ.
Jon ličyć, što pryčyna hetaha nie tolki ŭ małoj kolkaści i małym vopycie jaho inicyjatyŭnaj hrupy, ale i ŭ adsutnaści dastatkovaha finansavańnia, a taksama ŭ «nacisku z boku dziejnaj ułady».
Razam z tym Ryžoŭ zadavoleny asabistymi vynikami, pracaj i dapamohaj ludziej, jakija jaho akružali, reakcyjaj na jaho namiery, zajavy i artykuły ŭ ŚMI. Pavodle jaho słoŭ, rašeńnie ab źniaćci z vybaraŭ było pryniataje sumiesna ź lidarami inicyjatyŭnaj hrupy.
«Hety składany pieryjad u maim žyćci byŭ projdzieny hodna, sumlenna i biez ŭviazvańnia mianie i členaŭ inicyjatyŭnaj hrupy ŭ nieachajnyja schiemy hramadska‑palityčnaj dziejnaści, jakija nasadžajucca nam «, — zajaŭlaje Ryžoŭ.
Jon ličyć pamyłkaj adsutnaść adzinaha kandydata ŭ jakaści alternatyŭnaj fihury dziejnamu ŭ hety čas prezidentu Alaksandru Łukašenku.
Akramia taho, Ryžoŭ, ličyć «trahičnaj pamyłkaj» zakliki asobnych palityčnych lidaraŭ «da aktyŭnaha supraciŭleńnia dziejnaj uładzie i vyviadzieńnia ludziej «na płošču» z dalejšymi niepradkazalnymi nastupstvami jak dla prychilnikaŭ hetych zaklikaŭ, tak i dla ŭsioj krainy ŭ cełym».
Ryžoŭ paviedamlaje ab svaich płanach raspačać pracu pa adkryćci hramadskaha mižnarodnaha dabračynnaha fondu «Spadčyna narodaŭ śvietu» i pa stvareńni palityčnaj partyi «Biełaja Ruś».
U apublikavanym 18 kastryčnika intervju internet‑haziecie BiełaPAN naviny.by
Siarhiej Ryžoŭ paviedamiŭ, što raniej prafiesijna palitykaj nie zajmaŭsia. Pry hetym jon nie staŭ rabić prahnozy adnosna nastupnych krokaŭ u pieradvybarnaj kampanii. «Ale kali tendencyja pa zbory podpisaŭ zachavajecca, płanuju sabrać 105—110 tysiač podpisaŭ», — zajaŭlaŭ jon.
Ryžoŭ taksama paviedamiŭ, što padtrymlivaŭ Alaksandra Łukašenku ź pieršych dzion jaho prezidenctva. «Adnak prajšoŭ čas — i ciapierašni etap raźvićcia Biełarusi charaktaryzujecca razvałam ekanomiki, ukaranieńniem karumpavanaści i siamiejnaści ŭ stvoranaj prezidentam viertykali, niavybudavanaj pazicyjaj, kidańniami ad adnaho partniora da inšaha, ad adnaho abiacańnia da procilehłaha, strataj abjektyŭnaści ŭ acency situacyi, nieabdumanymi i zapoźnienymi rašeńniami ŭnutranych pytańniaŭ», — havaryŭ jon.
Takim čynam, zaraz u vybarčaj kampanii ŭdzielničajuć 14 pretendentaŭ u prezidenty Biełarusi.
Raniej ab spynieńni ŭdziełu ŭ vybarach zajavili Siarhiej Hajdukievič i Piotr Barysaŭ. Apošni źniaŭsia na karyść Vitala Rymašeŭskaha.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary