Halinie Kazimiroŭskaj užo sabrali bolš za 10 tysiač jeŭra na zmahańnie z ankałohijaj
Kiraŭnica «Volnaha choru» raskazała ŭčora pra ankałahičnaje zachvorvańnie.
Dyjahnaz «ankałohija» staŭ dla Haliny tym vyprabavańniem, jakoje patrabuje ludskoj dapamohi i padtrymki. Prajšoŭšy praz šok i admaŭleńnie, jana pryniała vyklik i zmahajecca z chvarobaj z usich sił. Zaraz jana prachodzić kurs chimijaterapii, napieradzie apieracyja i jašče kursy chimija– i radyjeterapii.
Kožny kurs chimijaterapii — heta źniasilvajučaja bitva. Na kožnaje adnaŭleńnie idzie niekalki dzion, i tolki ty prychodziš u siabie, jak novaja doza mocnych preparataŭ pazbaŭlaje ciabie sił. U takim stanie Halina nie moža pracavać, i na ciapierašni momant prosta nie maje hrošaj na bazavyja patreby siamji — apłatu žylla, siłkavańnie, a z dvuma niepaŭnaletnimi dziećmi hetyja vydatki mocna nie skarociš.
Chimijaterapija mocna paŭpłyvała na stan zdaroŭja ŭ cełym. Taksičnaść chimii razburaje piečań i inšyja orhany, paharšaje ahulny stan i niasie z saboju šmat bolu. Na praciahu ŭsiaho lačeńnia patrebny davoli darahija leki, jakija dapamahajuć padtrymlivać arhanizm, źmianšajuć mocnyja boli.
U Haliny niama mahčymaści apłačvać arendu kvatery, kuplać bazavyja pradukty i apłačvać darahija leki dla adnaŭleńnia arhanizma pamiž kursami chimii. Kab praciahvać lačeńnie i pieramahčy rak, Halinie patrebna padtrymka na najbližejšyja 6 miesiacaŭ.
«Byvajuć prosta bolevyja zapoi, ja ich tak nazyvaju. Kali ty z bolu nie vyłaziš… U mianie byŭ miesiac, kali z roznych pryčyn uvieś čas niešta baleła. I jano nie prapadaje, tabie nie dajuć pierapynku, — raskazała jana «Biełsatu».
— Byvali momanty, padčas takich bolevych zapojaŭ, kali ja prosta ad biezvychodnaści płakała. Heta ž asabliva nie dapamahaje, na žal. Ale časam byvaje, što bol adklučajecca — usio, prajšło. I ja takaja: «O, žyvu!», — kaža jana.
Suma zboru abviaščałasia ŭ 8500 jeŭra, u tym liku €6300 — arenda kvatery na 6 miesiacaŭ + kamunałka, €1700 — pradukty charčavańnia na 6 miesiacaŭ, €500 — leki.
Pa stanie na 13:00 sieradu za sutki sabrana 10 376 jeŭra, zbor praciahvajecca.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary