Repiera Lil Nas X nakiravali na psichijatryčnaje lačeńnie paśla napadu na palicejskich
Hod tamu jon błukaŭ u majtkach i botach pa vułkach Łos-Andželesa.
Sudździa ŭ štacie Kalifornija prypyniŭ sudovy praces nad artystam, jaki byŭ aryštavany ŭ žniŭni minułaha hoda za napad na palicejskich, kali błukaŭ pa vulicach Łos-Andželesa ŭ napaŭaholenym vyhladzie, z umovaj, što toj projdzie psichijatryčnaje lačeńnie.
Na pasiadžeńni ŭ paniadziełak sudździa Ałan Šnajder skazaŭ aŭtaru chita Old Town Road, što kali jon projdzie lačeńnie i na praciahu dvuch hadoŭ nie parušyć nijakich zakonaŭ, to abvinavačańni ź jaho buduć źniatyja.
Napad na palicejskich kvalifikujecca jak ciažkaje złačynstva i ciahnie da piaci hadoŭ turmy. Akramia taho, Lil Nas X (sapraŭdnaje imia — Mantera Łamar Chił) było vystaŭlena abvinavačańnie ŭ supracivie pry aryšcie.
Palicejskija vyjavili Chiła pozna ŭnačy na bulvary Vientura ŭ Łos-Andželesie — u adnych majtkach i kaŭbojskich botach. Jaho tady dastavili ŭ balnicu z padazreńniem na pieradaziroŭku narkotykaŭ.
Paśla hetaha incydentu ŭ repiera dyjahnastavali bipalarny razład. Paśla aryštu jon pravioŭ dva miesiacy ŭ lačebnaj ustanovie ŭ Aryzonie.
Paśla sudovaha pasiadžeńnia Lil Nas X uśmichaŭsia i pakazaŭ žurnalistam vialiki palec. «Ja ŭdziačny. Prosta vielmi ŭdziačny. Mahło być značna horš», — skazaŭ jon u intervju časopisu Rolling Stone.
Paśla aryštu Chiła jaho baćka Robiert Stafard raspavioŭ, što na stan jaho syna paŭpłyvała doŭhaja historyja zaležnaści jaho maci i jaho niazdolnaść dapamahčy joj.
«Jamu 26 hadoŭ, i pry hetym jamu davodzicca zarablać na žyćcio dla vialikaj kolkaści ludziej, i jon nie moža źmianić situacyju svajoj maci, i jašče jon ciśnie sam na siabie. Heta ciažkaja nahruzka na dušu», — skazaŭ Stafard.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu8
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5858
Kamientary