Nazvali samaha bahataha atleta za ŭsiu historyju suśvietnaha sportu
Apublikavali rejtynh samych vysokaapłatnych spartsmienaŭ u historyi, dzie na pieršym miescy pa-raniejšamu znachodzicca lehiendarny amierykanski baskietbalist Majkł Džordan.
Pavodle viersii vydańnia Sportico, sumarnyja dachody šaścirazovaha čempijona NBA Majkła Džordana skłali 3,28 miljarda dalaraŭ (4,5 miljarda z ulikam inflacyi). Za im idzie jašče adna amierykanskaja znakamitaść — halfist Tajhier Vuds z kapitałam u 1,97 miljarda dalaraŭ (2,88 miljarda z ulikam inflacyi).
Śpis trojki spartsmienaŭ-bahaciejaŭ za ŭsiu historyju zaviaršaje partuhalski forvard saudaŭskaha «Al-Nasra» — Kryšcijanu Ranałdu ($2,52 miljarda z ulikam inflacyi).
U top-10 samych vysokaapłatnych spartsmienaŭ z ulikam inflacyi taksama ŭvajšli:
- amierykanski baskietbalist Lebron Džejms (2,03 miljarda);
- arhiencinski napadajučy «Inter Majami» Lijanel Miesi (1,99 miljarda);
- amierykanskija halfisty Arnold Pałmier (1,85 miljarda) i Džek Nikłaus (1,83 miljarda);
- eks-futbalist zbornaj Anhlii Devid Bekchem (1,68 miljarda);
- šviejcarski tenisist Rodžer Fiederer (1,67 miljarda);
- amierykanski baksior Fłojd Mejviezier (1,57 miljarda).
Adzinaj žančynaj u hetym elitnym rejtynhu akazałasia amierykanskaja tenisistka Sierena Uiljams, jana zajmaje 40‑ie miesca z dachodam u 680 miljonaŭ dalaraŭ.
«Była ryzyka, što spoźniacca». Biełaruskija halfisty bolš za sutki dabiralisia na turnir u PAR
Ukrainskaja tenisistka padavała ŭ sud na mižnarodnuju fiederacyju, što taja dazvoliła hulać Sabalency. Staŭ viadomy vynik
MAK zabaraniŭ žančynam-transhiendaram vystupać u žanočych spabornictvach
Polskaja kańkabiežka, jakaja na Alimpijadzie atrymała kańkom pad voka, raskazała, jak heta pieražyła
Ciapier čytajuć
57‑hadovuju ŭradženku Vińnicy asudzili za kamientary ŭ telehramie. Siabie jana nazyvała «ŭkrainkaj z akupavanaha Minska»3
Kamientary