Ukrainskaja tenisistka padavała ŭ sud na mižnarodnuju fiederacyju, što taja dazvoliła hulać Sabalency. Staŭ viadomy vynik
Sud u Ńju-Jorku adchiliŭ pazoŭ ukrainskaj tenisistki Lesi Curenki suprać Žanočaj tenisnaj asacyjacyi (WTA) i jaje byłoha kiraŭnika Styva Sajmana, piša Reuters. Spartsmienka śćviardžała, što rašeńnie nie adchilać ad spabornictvaŭ rasijskich i biełaruskich tenisistak nibyta naniesła škodu jaje psichicy i parušyła ŭmovy kantrakta.
Sud pastanaviŭ, što abaviazki spartyŭnych arhanizacyj tyčacca pieradusim fizičnaj biaśpieki ŭdzielnikaŭ, a nie ich emacyjnaha stanu. Tamu pretenzii ŭkrainskaj tenisistki byli adchilenyja.
Sud taksama pryznaŭ abhruntavanym padychod WTA: spartsmienkam z Rasii i Biełarusi zabaranili vystupać pad nacyjanalnymi ściahami, ale nie stali całkam adchilać ich ad turniraŭ.
Kanflikt uźnik jašče ŭ 2023 hodzie, kali Curenka admoviłasia hulać matč suprać Aryny Sabalenki paśla paničnaj ataki, jakaja zdaryłasia paśla razmovy sa Styvam Sajmanam.
U vyniku sud staŭ na bok WTA, adznačyŭšy, što arhanizacyja nie niasie adkaznaści za emacyjny stan hulcoŭ u padobnych situacyjach.
Sabalenka vyjšła ŭ 1/8 finału Australian Open, prosta nie zaŭvažyŭšy ŭkrainki
Aryna Sabalenka: Łukašenka moža kamientavać što choča, a ja prosta spartsmienka ź Biełarusi
Aryna Sabalenka nie razumieje, za što jaje nienavidziać ukrainki
«Pad uražańniem ad pačutaha ja prosta mientalna sarvałasia». Ukrainskaja tenisistka nie vyjšła na matč suprać Aryny Sabalenka
Kamientary
niečieho im tam diełať. pusť doma na univiersiadach ihrajut.
a na kubkach dołžny ihrať tolko tie, kto čietko i vniatno skažiet čto RF - ahriessor, a Putin - vojennyj priestupnik i dołžien sidieť v tiuŕmie. so vsiej svojej šajkoj.
i nie tolko v tieńnisie.