Łukašenka i Kim Čen Yn zaklučyli damovu ab družbie i supracoŭnictvie
«My vystupajem suprać niepravamiernaha cisku na Biełaruś z boku Zachadu», — zajaviŭ Kim Čen Yn.
Alaksandr Łukašenka i Kim Čen Yn padpisali damovu ab družbie i supracoŭnictvie pamiž Respublikaj Biełaruś i Karejskaj Narodna-Demakratyčnaj Respublikaj, paviedamlaje Puł pieršaha.
«My vystupajem suprać niepravamiernaha cisku na Biełaruś z boku Zachadu i vykazvajem padtrymku i razumieńnie mieram kiraŭnictva Biełarusi, nakiravanym na sacyjalna-palityčnuju stabilnaść, ekanamičnaje raźvićcio», — padkreśliŭ Kim Čen Yn.
Lidar KNDR adznačyŭ, što abiedźvie krainy imknucca da pabudovy šmatpalarnaha śvietu, zasnavanaha na pryncypach samastojnaści i spraviadlivaści, a taksama prytrymlivajucca padobnaj pazicyi pa mnohich pytańniach mižnarodnaha paradku dnia.
«Dumaju, što heta słužyć pieradumovaj dla mahčymaści dalejšaha pašyreńnia i raźvićcia dvuchbakovych adnosin u adpaviednaści z uzajemnymi intaresami dźviuch krain», — skazaŭ jon.
«My vykazvajem salidarnaść i poŭnuju padtrymku Biełarusi, jakaja imkniecca pravodzić samastojnuju palityku, adpaviednuju svajoj realnaści, dasiahnuć miru i raźvićcia, praciahvajučy pry hetym raźvivać adnosiny z tradycyjna družalubnymi krainami», — padkreśliŭ Kim Čen Yn.
Ciapier čytajuć
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram20
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary