Piasočak dla prynca Piersii
«Prync Piersii» ciapier skača pa kinaekranam.
ZŠA, 2010, kalarovy, 116 chv.
Režysior: Majk Ńjueł
Roli vykonvajuć: Džejk Džylenhał, Hiema Artertan, Ben Kinhśli, Alfred Malina, Styŭ Tusant, Tobi Kiebieł
Žanr: Pryhody miača i mahii pavodle adnajmiennaj videahulni
Adznaka: 5 (z 10)
Usynoŭleny karalom prync Dastyn nabyvaje ŭ zachoplenym horadzie mahičny kinžał, zdolny pavaročvać čas. Ale za kinžałam i samim pryncam palujuć zabojcy, jakija marać avałodać usim śvietam. Hieroj razam z pryncesaj Taminaj musić abyhrać los.
Karcina Majka Ńjueła — ekranizacyja papularnaj arkadnaj hulni. Firmovyja truki hulni — akrabatyčnyja skoki — napoŭnicu zachavanyja ŭ filmie. Dadadzieny admysłovyja efiekty — šklana-piasčanyja bury, drapiežnyja źmiei i vohniennyja katastrofy.
Kaściumnaja raskoša mahičnaha Uschodu abaviazana ciešyć voka, lotajuć miačy, streły i drociki.
Majecca navat i nieskładany siužet, što dla ekranizacyi hulni — zaŭždy hałaŭny bol.
Pradusar stužki Džery Brukhiejmier jaŭna chacieŭ paŭtaryć pośpiech «Pirataŭ Karybskaha mora». Ale pryhodaŭ prynca zamała, kab Džylenhał, Kinhśli i kamičny Alfred Malina, paśpieli napoŭnicu prajavić svaje zdolnaści. Pryhodnickija atrakcyjony bahatyja i vidoviščnyja, ale ścipłyja truki z hulni vyhladali žyviej.
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia18
Kamientary