Na vulicy Čyrvonaarmiejskaj budzie kvartał z žyllom i handlovymi abjektami — skončyłasia hramadskaje abmierkavańnie
Asnoŭnaja ideja zabudoŭščykaŭ — admovicca ad farmatu cichaha «spalnika» na karyść žyvoha haradskoha asiarodździa, dzie pieršyja pavierchi damoŭ całkam addaduć pad kaviarni, kramy i majsterni.
Zaviaršyłasia hramadskaje abmierkavańnie horadabudaŭničaha prajekta detalovaha płanavańnia terytoryi ŭ miežach vulic Uljanaŭskaj — Pieršamajskaj — Pulichava — Smalenskaj — Lenina. Na miescy adnaho z najstarejšych pramysłovych pradpryjemstvaŭ stalicy prapanujuć stvaryć kvartał — z žyllom i handlovymi abjektami, pišuć «Minsk-Naviny».
U pryvatnaści, tut płanujuć uźvieści šmatfunkcyjanalnyja kompleksy, dzie žyllu adviaduć kala pałovy terytoryi.
Pieršyja pavierchi damoŭ vyzvalać ad kvater — tut buduć kafe, kramy, majsterni i servisy. Ideja prostaja: adyści ad farmatu spalnaha rajona i stvaryć žyvoje haradskoje asiarodździe.
Praź Śvisłač płanujuć pabudavać most, jaki złučyć vulicy Čyrvonaarmiejskuju i Lenina.
Kolkaść nasielnictva vyraście amal udvaja: kali siońnia na hetaj terytoryi pražyvaje prykładna 1,5 tysiačy čałaviek, to ŭ pierśpiektyvie čakajecca kala 4 tysiač.
Praduhledžvajecca budaŭnictva sadka na 230 miescaŭ, a taksama handlovych i spartyŭnych abjektaŭ. Hałoŭny pasył: rajon pavinien stać samadastatkovym i zručnym dla žyćcia.
Pad znos pojduć jak byłyja zavodskija karpusy, jakija znachodziacca ŭ pryvatnaj ułasnaści, tak i damy, uklučajučy dvuchpaviarchovuju zabudovu na Čyrvonaarmiejskaj i pryvatnyja damy na Smalenskaj.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary