Chutčej za ŭsio, viadomaha hraficista Aleha Łaryčava buduć sudzić za datyčnaść da hetaj žartoŭnaj supołki.
Prajekt «Viejšnoryja» pryznali «ekstremisckim farmavańniem». Adpaviednaje rašeńnie było pryniataje MUS 2 sakavika.
Pavodle viedamstva, dačynieńnie da «Viejšnoryja | Viejšnoryja» maje palitviazień Aleh Łaryčaŭ, paviedamlaje «Viasna».
Pra zatrymańnie art-mieniedžara Aleha Łaryčava stała viadoma na pačatku hoda. Aleh — arhanizatar fiestyvalu Urban Myths, hramadski dziejač i stryt-art-mastak.
Viejšnoryja — virtualnaja dziaržava, jakaja ŭźnikła jak elemient lehiendy sumiesnych stratehičnych vučeńniaŭ «Zachad-2017» na terytoryi Biełarusi i vyklikała vialiki, pieravažna žartoŭny, rozhałas u Internecie. Pavodle scenaryja vučeńniaŭ vydumanaja dziaržava zajmaje terytoryju bolšaj častki Hrodzienskaj vobłaści i paŭnočna-zachodnich častak Minskaj i Viciebskaj abłaściej.
Kamientary