Bulbina, tonki skrylok kaŭbasy — i ŭsio? Što možna nabyć na abied ci viačeru za adzin rubiel, kab pierakusić
Što pajeści, kali da zarobku zastaŭsia rubiel? Zdajecca, što varyjantaŭ pa canie žetona ŭ mietro ŭ kramach pradajecca niašmat. Ci buduć pradaŭcy kosa hladzieć u adkaz na prośbu adrezać skrylok kaŭbasy. Ci nie admoviacca vahi ŭzvažyć adnu-adzinuju cukierku? Jak naohuł vyhladaje rubiel u vyhladzie aliŭje na talercy, raźbiraŭsia Onliner.by.
Adnak navat łokšyna chutkaha pryhatavańnia viadomych marak pa canie pieravyšaje limit: jana ŭ dyjapazonie 1,3—2 rubli. U chaładzilnikach na vočy traplajucca bujnyja syrniki na vahu — adna štuka vyhladaje jak efiektyŭnaja zbroja suprać hoładu. Ale vahi vybivajuć na etykietcy zdradnickija 1,5 rubla.
Meta na siońnia — znajści ŭ kramie chacia b try varyjanty, što možna źjeści, kali ŭ kišeni ŭsiaho rubiel. Pa zadumcy ježa na viačeru, a značyć, jana pavinna być choć trochi sytnaj — kab chacia b pryhłušyć hałodny straŭnik.
Usio pačynajecca z adździeła pielmieniaŭ u adnym z bujnych minskich supiermarkietaŭ. Hatovyja fabryčnyja ŭpakoŭki nie varyjant, tam patrebny bolš bujny biudžet — chacia b rubloŭ 5. Pa akcyi pradajucca zamarožanyja pielmieni sa śvininaj ułasnaj vytvorčaści. Pieramožnyja 0,99 rubla vahi vydajuć praź jašče niekalki uzvažvańniaŭ.
U małočnym i chlebnym adździełach bačna, što viačera farmatu «butelka kiefiru + paŭbatona» na siońnia admianiajecca: jon patrabuje chacia b troch rubloŭ u kašalku. Brykietam tvarahu paviačerać taksama nie atrymajecca: usie jany daražejšyja za rubiel.
Tym nie mienš niekalki varyjantaŭ jość. Pa-pieršaje, 100‑hramovaja bułačka, cana jakoj — roŭna 1 rubiel. Dziŭna dakładnaje traplańnie ŭ ekśpierymientalny biudžet. Zabiahajučy napierad, skažam: bolš tak trapna trapić u rubiel nam nie ŭdasca. Bułačka na vyhlad abjomnaja, zdobnaja, pasypana cukrovaj pudraj. Bonusam jašče i ciopłaja, a heta abiedzienny čas budniaha dnia.
Pa-druhoje, jość jašče adna bułačka vahoj 50 hramaŭ za 45 kapiejek. Paru joj składzie pakunačak suchoha małaka za 46 kapiejek. Jaho ŭpakoŭka padobnaja da rastvaralnaj kavy, u joj 25 hramaŭ praduktu. Kankretna hety zrobleny ŭ Rahačovie. A voś lubyja varyjanty zvyčajnaha małaka ŭžo atrymlivajucca mima vyznačanaha biudžetu, navat dziciačaje.
Darečy, pra dziciačaje. Kiefir z takim nadpisam taksama akazvajecca ŭ košyku.
Cenavaja łohika padkazvaje ŭziać tańniej, a praktyčnaja — daražej: vaha praduktu bolšaja, cana za mililitr vychodzić mienšaja.
Naparnik kiefiru pavinien ukłaścisia ŭ 27 kapiejek — zadača adčuvajecca jak niaprostaja. Arachis u karamieli — jaho atrymoŭvajecca admierać z druhoj sproby — 22 kapiejki. Heta 16 hramaŭ, kali što.
Makaronu chutkaha pryhatavańnia canoj da 1 rubla taksama atrymoŭvajecca znajści — viermišel za 71 kapiejku. «Na reštu cukierki — pa canie za kiłahram. Ale try cukierki «Karoŭka» — akazvajecca zanadta doraha. Adna? Važyć jana 16 hramaŭ i kaštuje 17 kapiejek.
Dalej — kulinaryja. Zdajecca, na rolu rublovaj viačery moža padyści niejki sytny šmatkampanientny sałat, tamu źviartajemsia da pradaŭca z prośbaj uzvažyć jaho na rubiel. «Heta budzie mała, voś prykładna stolki», — papiaredžvaje žančyna, malujučy łapatkaj liniju na miscy z sałataj.
Ale jon davoli dakładna ŭkładvajecca ŭ biudžet: 58 hramaŭ, 93 kapiejki.
Potym advarnaja hrečka — tut fraza «Dajcie, kali łaska, na rubiel» naohuł nie ździŭlaje pradaŭca — u pakiecie chutka akazvajecca porcyja, jakaja moža zaniać bolšuju častku zvyčajnaj talerki. Tut 142 hramy na 98 kapiejek.
Na susiednim pryłaŭku smažanyja piražki — tańniejšyja za ŭsich tyja, što z fruktovaj načynkaj.
Pradaviec, zdajecca, z azartam šukaje najmienšy piražok — i traplaje ŭ jabłyčak: 99 kapiejek, roŭna 100 hramaŭ praduktu.
Nastupnaja znachodka ŭ kafe supiermarkieta — tam pradajucca tostavy chleb pa kavałačkach, parcyjnaja śmiatana i cukar — jany stanuć buterbrodam sa smakam dziacinstva. Chleba dźvie łustački — 72 kapiejki. Dadatak kamplektu ŭ adździele z sadavinoj.
Mandaryny daražejšyja za jabłyki ŭ pieraliku na kiłahramy, ale jość maleńkija i lohkija: 21 kapiejka.
Na čarzie kupla skrylka kaŭbasy.
Pradaviec kaža, što dakładna z kaŭbasoj nie trapić, ale navat naŭskidku jaje daśviedčany pozirk vyznačaje habaryty kavałačka, jaki pakinie ŭ rubli miesca harniru. Z adnoj sasiskaj naohuł usio davoli lohka. 72 i 40 kapiejek adpaviedna.
Kapusta i buraki adbor nie prachodziać: harodnina davoli bujnaja i ciažkaja. Tak što da kavałačka kaŭbasy — niekalki kłubniaŭ bulby, a da sasiski — bulba, morkva i cybulina.
U hetym adździele harodninu taksama ŭzvažvaje pradaviec — naturalna, ź pieršaha razu idealna admierać usio ŭ rubiel nie ŭdajecca. Cybulina, darečy, abyšłasia ŭ 7 kapiejek. Morkva za 14 kapiejek, a bulby dva kulki — za 33 i 41 kapiejku.
Usia zakupka abyšłasia ŭ 11,45 rubla, kali nie ličyć pakieta (jon, darečy, zaniaŭ navat bolš za pałovu biudžetu ŭ rubiel).
Ciapier čytajuć
Biełaruskija špijony pad dypłamatyčnym prykryćciom u ZŠA i krainach Jeŭropy. Chto jany? Poŭny śpis3
Kamientary