Vydaviectva «Biełaruś» u kancy 2025 hodu vypuściła z druku non-fikšn knihu piśmieńnicy Ludmiły Rubleŭskaj «Piśmieńnickija vandroŭki». Navinka — zbornik padarožnych ese i razam z tym moža słužyć daviednikam u vandroŭkach pa Biełarusi, paviedamlaje bellit.info
«Hatyčny młyn u Pahoście, daroha, brukavanaja trylinkaj, siadziba vupyroŭ-Vaładkovičaŭ, jakija spali ŭdzień, a pracavali ŭnočy, jehipieckaja piramida na Uździenskich mohiłkach i mamant na viaršyni Juravickaj hary, maŭrytanski styl pałaca Kozieł-Pakleŭskich u Čyrvonym Bierazie i kamiennyja kryžy ŭ Miežava.
Razam z aŭtarkaj i jejnaj siamiejnaj kamandaj čytačy adpraviacca nie tolki da mahutnych zamkaŭ i pryhožych pałacaŭ, ale i da starych siadzib i chramaŭ, ad jakich časam zastalisia tolki dźvie abjedzienyja vietram ściany, prabiarucca praz kalučaje kustoŭje da padmurkaŭ, što kaliści naležali vieličnym budynkam», — raskazvajuć pra knihu ŭ sacsietkach «Akademknihi», dzie možna kupić navinku.
Taksama knihu možna zamović anłajn.
U Minsku prajšło ŭžo dźvie prezientacyi hetaha vydańnia, adna ź jakich — u kinateatry
«Nu voś, vandravali my, vandravali pa rodnaj Biełarusi, i vynik: vyjšli maje «Piśmieńnickija vandroŭki»! Raspovied pra našy siamiejnyja padarožžy i pra biełaruskuju historyju. Vialiki dziakuj usim, chto dałučyŭsia da źjaŭleńnia takoha šykoŭnaha vydańnia! Vydatny dyzajn, šmat fota, šmat siužetaŭ. Spadziajusia, pačytajecie, i kudyś zachočacca źjeździć», — padzialiłasia kolki tydniaŭ tamu navinoj pra vychad knihi Ludmiła Rubleŭskaja.
Kamientary