Hadzińnikavy zavod «Łuč» vypuściŭ limitavanuju sieryju hadzińnikaŭ u honar lehiendy biełaruskaj sceny — kampazitara Uładzimira Mulavina, zasnavalnika ansambla «Pieśniary». Usiaho budzie zroblena 300 asobnikaŭ. Vypusk pryśviečany 85‑hodździu muzykanta, jaki naradziŭsia 12 studzienia 1941 hoda.
Kalekcyja atrymała nazvu «Asoba» i stvorana jak danina pavahi čałavieku, jaki źmianiŭ usprymańnie biełaruskaj kultury i zrabiŭ jaje viadomaj za miežami krainy.
Hadzińniki majuć hlancavy korpus sa stali-nieržaviejki, na cyfierbłacie — hryf hitary, a na baku vyhraviravany arnamient. Unutry ŭstanoŭleny šviejcarski kvarcavy miechanizm Ronda 513. Na zadnim viečku vyhraviravany reljefny partret tvorcy i nadpis: «Pieśniary — heta vobraz myśleńnia, žyćcia, dumak». Kožny hadzińnik maje ŭnikalny numar, jahony košt — 889 rubloŭ.
U rekłamie novaj kalekcyi udzielničaje ŭnuk Uładzimira Mulavina Uład. Jon sam muzyka, viadomy nie tolki ŭ Biełarusi jak vykanaŭca ŭ styli techna. Uład vystupaje ŭ składzie dueta Police in Paris, jaki staŭ jašče bolš papularnym za apošni hod.
Siem faktaŭ pra Uładzimira Mulavina, jakomu siońnia spoŭniłasia b 85 hadoŭ
Nacyjanalny panteon ci pachavalnia nacyi? Jak dziaržaŭnaja ideałohija zabiraje ŭ biełarusaŭ subjektnaść i budučyniu
Łukašenka raskazaŭ, jak asabista adradžaŭ ansambl «Pieśniary»
U Homieli na Dzień horada tysiača čałaviek stančyli pad pieśniu «Kasiŭ Jaś kaniušynu» VIDEA
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB20
Kamientary