Volha Navumava ŭžo 15 hadoŭ zajmajecca skajsiorfinham — heta skački z parašutam, padčas jakich da noh spartsmiena prymacoŭvajecca doška, a ŭ svabodnym padzieńni vykonvajucca roznyja truki.
Dziela takich ekśpierymientaŭ ekstremały ŭzdymajucca na vialikuju vyšyniu, i, jak vyśvietliłasia, roŭnych Volzie niama. Niadaŭna jana ździejśniła skačok z vyšyni 6384 mietry i była ŭklučana ŭ Knihu rekordaŭ Hiniesa, piša Onliner.by.
Skačok adbyŭsia 10 listapada 2025 hoda. Volha na viertalocie padniałasia ŭ rajonie Śjanhboče ŭ Himałajach i z vyšyni 6384 mietry ździejśniła skačok.
Padčas rekordnaha skačku joj daviałosia zmahacca z mocnym vietram, adnak Volha zmahła ŭtrymać došku pad kantrolem i paśpiachova raskryć parašut. Pryziamliłasia jana na ŭźlotna-pasadačnaj pałasie na vyšyni 3766 mietraŭ.
A niekalki dzion tamu stała viadoma, što Volha aficyjna ŭklučanaja ŭ Knihu rekordaŭ Hiniesa.
U nievialikim kamientary jana skazała, što z taho času, jak adkryła dla siabie skajsiorfinh, jaje maraj było ździejśnić unikalny skačok i tym samym natchnić dziaŭčat va ŭsim śviecie nie bajacca i być śmiełymi.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB20
Kamientary