Francyja vyrašyła pieranieści samit lidaraŭ krain G7, kab jon nie supaŭ ź mierapryjemstvami, zapłanavanymi ŭ ZŠA na dzień naradžeńnia Donalda Trampa, paviedamlaje vydańnie Politico sa spasyłkaj na čynoŭnikaŭ, jakija majuć dačynieńnie da arhanizacyi samita.
Pieršapačatkova samit pavinien byŭ pačacca 14 červienia — u Dzień ściaha ZŠA i ŭ dzień 80‑hodździa prezidenta Donalda Trampa. Adnak u kastryčniku Tramp abviaściŭ, što ŭ hety ž dzień na terytoryi Biełaha doma adbudziecca turnir pa źmiešanych adzinaborstvach UFC, jaki moža sabrać da piaci tysiač hledačoŭ.
Kab paźbiehnuć nakładki, Francyja, jak śćviardžajuć krynicy Politico, źmianiła daty praviadzieńnia samitu. Ciapier sustreča lidaraŭ «Hrupy siami» zapłanavanaja na 15—17 červienia.
U ofisie prezidenta Francyi Emaniuela Makrona nie paćvierdzili, što pieranos niepasredna źviazany ź mierapryjemstvam UFC. Tam adznačyli, što novy hrafik staŭ vynikam kansultacyj z partniorami pa G7. Pasolstva ZŠA ŭ Paryžy apieratyŭnych kamientaroŭ pa hetym pytańni nie davała.
U materyjale taksama nahadvajecca, što ŭ minułym hodzie Donald Tramp adznačyŭ svoj dzień naradžeńnia vajskovym paradam z nahody 250‑hodździa armii ZŠA. U toj ža čas pa ŭsioj krainie prajšli masavyja pratesty pad łozunham «Nijakich karaloŭ», udzielniki jakich krytykavali palityku Trampa i abvinavačvali jaho ŭ aŭtarytaryźmie.
«Mnie nie patrebna mižnarodnaje prava — u mianie niama namieru pryčyniać ludziam škodu». Tramp patłumačyŭ, navošta jamu Hrenłandyja
Tramp pra Kubu: Ja nie dumaju, što možna bolš nacisnuć na Kubu, čym prosta ŭvarvacca da ich i raźnieści tam usio
Tramp źbirajecca pavialičyć vajskovyja vydatki ZŠA da rekordnaha ŭzroŭniu z 1950-ch
Tramp plonna parazmaŭlaŭ z prezidentam Kałumbii. Toj apublikavaŭ kranalnaje fota simvałaŭ ZŠA i Kałumbii
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?4
Kamientary
Fienominał sobyšin