Tramp pra Kubu: Ja nie dumaju, što možna bolš nacisnuć na Kubu, čym prosta ŭvarvacca da ich i raźnieści tam usio
Sa słoŭ prezidenta ZŠA Donalda Trampa, skazanych u efiry kanała Salem News Channel, Kuba znachodzicca ŭ «surjoznaj biadzie», «visić na vałasku» i blizkaja da poŭnaha krachu.
Tramp taksama nazvaŭ kubincaŭ «ćviordymi i mocnymi ludźmi». Akramia taho, jon zhadaŭ pra kubinskaje pachodžańnie dziaržsakratara ZŠA Marka Rubia.
«U Marka jość trochi kubinskaj kryvi. Dumaju, Marka niadrenna spraŭlajecca sa svajoj pracaj. Kudy b jon ni pajšoŭ, my budziem paśpiachovyja», — zajaviŭ Tramp.
Marka Rubia taksama pierad tym raskrytykavaŭ Kubu, nazvaŭšy kiraŭnictva krainy niekampietentnym. A ŭ Sienacie ZŠA zajaŭlali, što Kuba budzie nastupnaj paśla Vieniesueły.
Sam ža Donald Tramp raniej zajaŭlaŭ, što Kuba znachodzicca na miažy krachu i moža «voś-voś upaści». Pavodle jaho słoŭ, na hety momant kraina amal nie maje krynic dachodu. Jon adznačyŭ, što raniej Havana značnuju častku finansavych pastupleńniaŭ atrymlivała dziakujučy pastaŭkam nafty ź Vieniesueły, ale ciapier hety kanał faktyčna stračany.
Kuba daŭno nie žyła dobra. Pry hetym jaje ekanamičnaja madel i demahrafičnaje padzieńnie mocna nahadvaje łukašenkaŭskuju. Joj kaniec?
Tramp: Mnie nie treba mižnarodnaje prava. Dastatkova ŭłasnych rozumu i marali
Tramp źbirajecca pavialičyć vajskovyja vydatki ZŠA da rekordnaha ŭzroŭniu z 1950-ch
ZŠA vyjšli z 66 mižnarodnych arhanizacyj
Tramp patrabuje ad Vieniesueły vyhnać Rasiju, Kitaj, Iran i Kubu
Tramp: My pavinny abaviazkova pieramahčy na vybarach u Kanhres, inakš pahražaje impičmient
Kamientary