Administracyja Trampa paviedamiła časovaj prezidentcy Vieniesueły Dełsi Radryhies, što Karakas musić vykanać patrabavańni Biełaha doma, pierš čym jamu dazvolać pavialičyć zdabyču nafty, piša ABC.
Vašynhton nastojvaje, što Vieniesueła musić vyhnać z krainy savietnikaŭ i ahientaŭ z Rasii, Kitaja, Irana i Kuby, a taksama razarvać z hetymi krainami ekanamičnyja suviazi.
Pa-druhoje, Vieniesueła pavinna pahadzicca na ekskluziŭnaje partniorstva z ZŠA ŭ naftazdabyčy i addavać pieravahu Amierycy pry prodažy ciažkaj syroj nafty.
Dziaržsakratar ZŠA Marka Rubia na zakrytym bryfinhu dla zakanadaŭcaŭ zajaviŭ, što ZŠA mohuć prymusić Vieniesuełu da sastupak, bo jaje najaŭnyja tankiery zapoŭnienyja. Rubia taksama adznačyŭ: pavodle acenak ZŠA, u Karakasa jość usiaho para tydniaŭ, pierš čym kraina stanie finansava niepłaciežazdolnaj biez prodažu svaich naftavych reziervaŭ.
Staršynia kamiteta Sienata pa ŭzbrojenych siłach Rodžer Uikier paćvierdziŭ, što płan ZŠA hruntujecca na kantroli nad vieniesuelskaj naftaj. Jon dadaŭ, što nie ličyć, što heta zapatrabuje razhortvańnia amierykanskich vojskaŭ.
«Urad sapraŭdy maje namier kantralavać naftu, uziaŭšy pad nahlad karabli i tankiery, i nivodzin ź ich nie adpravicca ŭ Havanu. I pakul jany nie pačnuć ruchacca — my spadziajomsia, na adkryty rynak — bolš niama tankieraŭ dla zapaŭnieńnia, bo jany zabityja pad zaviazku», — skazaŭ Uikier.
Bieły dom nie staŭ abviarhać hetuju infarmacyju. Vysokapastaŭleny pradstaŭnik administracyi zajaviŭ:
«Prezident Tramp kaža pra vykarystańnie maksimalnych ryčahoŭ cisku na elemienty, jakija zastalisia ŭ Vieniesuele, kab harantavać ich supracoŭnictva sa Złučanymi Štatami ŭ spravie spynieńnia nielehalnaj mihracyi, narkatrafiku, adnaŭleńnia naftavaj infrastruktury i dziejańniaŭ na karyść vieniesuelskaha naroda».
Uikier paviedamiŭ, što ŭ Vieniesueły bolš niama dastupnych tankieraŭ dla pieravozki nafty.
«Pavodle majoj infarmacyi, Vieniesueła nie moža bolš zdabyvać syruju naftu, bo jaje niama kudy padzieć i niama kudy adpravić. Tankiery poŭnyja i čakajuć adpraŭki ŭ adpaviednaje miesca — spadziajusia, dla prodažu na adkrytym rynku, a nie dla taho, kab być biaspłatna pieradadzienymi Kitaju», — adznačyŭ Uikier.
Tramp napisaŭ u sacsietkach, što «časovyja ŭłady» Vieniesueły pieradaduć ZŠA ad 30 da 50 miljonaŭ barelaŭ nafty dla prodažu pa rynkavaj canie. Tramp zajaviŭ, što hetyja srodki buduć pad jaho kantrolem, «kab harantavać ich vykarystańnie na karyść naroda Vieniesueły i Złučanych Štataŭ!».
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU11
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
Ničoha heta nie nahadvaje?) Pucin taksama patrabavaŭ ad Ukrainy vyhnać "z sabie" ŭpłyŭ ZŠA, Eŭropy i Brytanii.