Stvaralnik bryhady «Espańjoła» stanie pieršym udzielnikam vajny va Ukrainie, ź jakim raźvitajucca ŭ Chramie Chrysta Zbaŭcy ŭ Maskvie.
Cyrymonija raźvitańnia sa stvaralnikam ultrapravoj bryhady «Espańjoła» Siarhiejem «Ispancam» Arłovym, jaki zahinuŭ pry zahadkavych abstavinach, adbudziecca 22 śniežnia ŭ Chramie Chrysta Zbaŭcy ŭ centry Maskvy, paviedamili ŭ telehram-kanale padraździaleńnia, zasnavanaha im.
Heta pieršy viadomy ŭdzielnik vajny va Ukrainie, ź jakim raźvitajucca ŭ hałoŭnym chramie RPC, piša «Ahienctva».
U Chramie Chrysta Zbaŭcy adpiavajuć viadomych dziejačaŭ kultury, vysokapastaŭlenych čynoŭnikaŭ i śviataroŭ krainy. Tut raźvitvalisia ź pieršym prezidentam Rasii Barysam Jelcynym, byłym meram Maskvy Juryjem Łužkovym, akcioram i režysioram Stanisłavam Havaruchinym, kampazitaram Mścisłavam Rastrapovičam i piśmieńnikam Valancinam Raspucinym, zasnavalnikam ŁDPR Uładzimiram Žyrynoŭskim, skulptaram Zurabam Cereteli.
Publična viadomy tolki adzin vypadak adpiavańnia ŭ chramie pamierłaha, źviazanaha z vajnoj va Ukrainie, — vajennaha protaijereja Michaiła Vasiljeva. Jon zahinuŭ u listapadzie 2022 hoda ŭ Chiersonskaj vobłaści padčas udaru HIMARS. Pucin paśmiarotna nadaŭ śviataru zvańnie Hieroja Rasii.
Paviedamleńnie «Espańjoły» stała pieršym paćviardžeńniem čutak pra hibiel Arłova, jakija źjavilisia bolš za tydzień tamu. Z dopisu nie zrazumieła, što stała pryčynaj śmierci.
«Nie možam nie adznačyć, što mnohich cikaviać pryčyny hibieli Ispanca, i nas — nie ŭ mienšaj stupieni. U ciapierašni čas centralnyja śledčyja orhany ŭstanaŭlivajuć dakładnuju pryčynu i miesca hibieli, a taksama vinavatych. Aficyjnaja infarmacyja budzie apublikavanaja pa vynikach rasśledavańnia», — napisali ŭ kanale.
Pavodle danych Mash, Arłoŭ pierad śmierciu niekalki dzion znachodziŭsia ŭ komie. Imavierna, Arłoŭ byŭ zabity padčas zatrymańnia. Źviazany ź Ministerstvam abarony błoh «Rybar» paviedamiŭ, što Arłoŭ zahinuŭ pry sprobie supracivu aryštu.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia12
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher22
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher2
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary