Zahinuŭ stvaralnik nieanacysckaj bryhady rasijskich fanataŭ «Espańjoła». Mahčyma, zabili pry zatrymańni
Zahinuŭ kamandzir rasijskaj ultrapravaj dobraachvotnickaj bryhady futbolnych fanataŭ «Espańjoła» Stanisłaŭ Arłoŭ, viadomy pad mianuškaj «Ispaniec». Pra jaho śmierć paviedamili ŭ telehram-kanale padraździaleńnia. Pachavańnie zapłanavanaje na 22 śniežnia ŭ Maskvie, piša Astra.
U paviedamleńni adznačajecca, što abstaviny hibieli pakul zastajucca niezrazumiełymi. Pa słovach pradstaŭnikoŭ «Espańjoły», centralnyja śledčyja orhany ciapier vyśviatlajuć dakładnuju pryčynu i miesca śmierci, a taksama asob, jakija mohuć być da hetaha datyčnyja. Aficyjnuju infarmacyju abiacajuć apublikavać paśla zaviaršeńnia rasśledavańnia.
Prykładna dva tydni tamu vydańnie «Caŕhrad», jakoje źviazvajuć ź blizkim da Kramla biznesmienam Kanstancinam Małafiejevym, paviedamiła pra nibyta zatrymańnie Arłova pa spravie ab niezakonnym abaračeńni zbroi. Paśla hetaha viadomy dresiroŭščyk i aktyŭny prychilnik vajny va Ukrainie Edhar Zapašny napisaŭ u sacsietkach, što «Stasa bolš niama», ale nieŭzabavie vydaliŭ hety dopis.
U nieanacysckich kołach, u pryvatnaści ŭ supolnaści dyviersijna-šturmavoj raźviedvalnaj hrupy «Rusič», śćviardžajuć, što Arłova mahli zabić padčas zatrymańnia. Prakramloŭski kanał Mash paviedamlaŭ, što «Ispaniec» niekalki dzion znachodziŭsia ŭ komie, ale pryčynu hetaha nie ŭdakładniaŭ.
Stanisłaŭ Arłoŭ udzielničaŭ u bajavych dziejańniach va Ukrainie z 2014 hoda. U 2022 hodzie jon stvaryŭ bryhadu «Espańjoła», u skład jakoj uvachodzili sotni ultrapravych futbolnych fanataŭ. Aficyjna jana nazyvałasia 88‑ia raźviedvalna-dyviersijnaj bryhadaj «Espańjoła», a ŭ ličbach 88 byŭ zašyfravany voklič «Chajl Hitler!» (pa-niamiecku Heil Hitler!, a litara H u łacinskim ałfavicie vośmaja).
Siarod inšaha bryhadu «Espańjoła» aktyŭna pijaryła i łukašenkaŭskaja prapahanda, u pryvatnaści, joj vielmi zachaplaŭsia Ryhor Azaronak. A na dziaržaŭnym telekanale STB pra prarasijskaha aktyvista ź Biełarusi Siarhieja Łušča zachoplena kazali, što «Espańjoła», Narodnaja milicyja, Rashvardyja, Achmat — jaho stychija».
U kastryčniku 2025 hoda było abvieščana pra rasfarmavańnie bryhady, a častka jaje bajcoŭ pierajšła ŭ skład rasijskaj armii. 18 śniežnia ŭ «Espańjole» aficyjna zajavili, što padraździaleńnie jak bajavaja adzinka bolš nie isnuje.
Rasijskaja bryhada «Espańjoła», jakaja składałasia z ultrapravych futbolnych fanataŭ dla vajny z Ukrainaj, abviaściła pra rasfarmiravańnie
Chakieisty CSKA vyjšli na raźminku ŭ formie ź litaraj Z i emblemaj bataljona «Espańjoła», jaki vajuje va Ukrainie
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju
Lidar mahiloŭskich fanataŭ paśla sutak źbiraŭsia va Ukrainu pa svabodu, a ciapier jon za Łukašenku, HUBAZiK i Rasiju
Kamientary
Nie baču minusaŭ)
[Zredahavana]
KALI ŭ maskoŭvii było pa inšamu ? 1917 ...cudoŭnyja naviny, nie doŭha impieryi zastałosia
I Milčakova - tudy ž, chaj z vahnieram Utkinym i hetym nieda-hišpancam na traich saabražajuć u piekle.