Jakim budzie nadvorje ŭ Biełarusi z 15 pa 21 śniežnia, raskazaŭ sinoptyk Dźmitryj Rabaŭ.
Pachaładańnie, jakoje zakranie Biełaruś u vychadnyja dni pad upłyvam arktyčnaha pavietra, budzie karotkačasovym.
Na nastupnym tydni, z 15 pa 21 śniežnia, čakajecca viartańnie atłantyčnych pavietranych mas, u vyniku čaho tempieraturny fon znoŭ pavysicca i zastaniecca vyšejšym za klimatyčnuju normu.
Pavodle prahnozu, kłasičnaj zimy pa-raniejšamu čakać nie varta. Adližnaje nadvorje, imavierna, zachavajecca jak minimum da pačatku treciaj dekady śniežnia.
Unačy i zranku zastajecca vialikaja imaviernaść tumanaŭ i hałalodu.
U paniadziełak i aŭtorak čakajucca apadki ŭ vyhladzie daždžu z mokrym śnieham, a taksama hałalodzica na darohach. Tempieratura ŭnočy budzie vahacca ad minusavych značeńniaŭ na paŭnočnym uschodzie da plusavych na zachadzie, a ŭdzień paciapleje da plus 7 hradusaŭ.
U siaredzinie tydnia istotnych apadkaŭ nie čakajecca, ale ŭnačy zachavajecca nievialiki minus.
Z čaćviarha i da kanca tydnia budzie pieravažać upłyŭ antycykłonu, tempieratura dniom składzie da +4 +6 hradusaŭ.
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary