U Biełarusi za raz nabyli 2,5 kiłahrama zołata. Heta niezvyčajna
U Biełarusi zdaryłasia redkaja padzieja na finansavym rynku: adzin pakupnik nabyŭ adnym macham 2,5 kiłahrama zołata ŭ adpaviednych ablihacyjach, piša Tochka.by.
Hetyja ablihacyi byli vypuščanyja letam 2025 hoda kampanijaj «Ajhienis» na sumu bolš za 3 miljony biełaruskich rubloŭ, što adpaviadaje prykładna 10 kiłahramam zołata. Adzin inviestar adrazu nabyŭ čverć usich ablihacyj na sumu bolš za 784 tysiačy rubloŭ.
Ablihacyi pryviazanyja da koštu kaštoŭnych mietałaŭ — u pieršuju čarhu zołata, a taksama mohuć być pryviazanyja da srebra i płaciny. Heta značyć, što pry roście cenaŭ na mietał inviestar moža atrymać prybytak. Pry hetym sama ryzyka abmiežavanaja: košt ablihacyi nie apuścicca nižej za pieršapačatkovuju vartaść. Termin abaračeńnia ablihacyj składaje piać hadoŭ, ale ich možna pradać i raniej.
Takija ablihacyi dazvalajuć navat zvyčajnym ludziam abo pradpryjemstvam pašyryć inviestycyjny partfiel. Choć dachod ad pracentaŭ u ciapierašnich umovach składaje ŭsiaho 0,001% hadavych, asnoŭny dachod moža pryjści z rostu koštu mietała.
U kastryčniku 2025 hoda byli vypuščanyja taksama «srebnyja» i «płacinavyja» ablihacyi pa anałahičnaj schiemie, što robić hety finansavy instrumient cikavym dla inviestaraŭ, jakija žadajuć atrymać prybytak ad kaštoŭnych mietałaŭ, zachoŭvajučy adnosnuju biaśpieku.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary
Takimi bumažkami dołho uśpiešno śbivali cienu zołota: ciena rastiet, jeśli jesť dieficit, no bumažiek možno vypustiť skol uhodno mnoho, i potomu dieficita nie było, i ciena nie rosła. No poślednije hody etot triuk užie nie rabotajet, zołoto dorožajet dikimi tiempami,mało ostałoś idiotov, kto vierit "bumažnomu zołotu"