Žurnalisty italjanskaha vydańnia La Repubblica sustrelisia z prezidentam Ukrainy Uładzimiram Zialenskim u Rymie, kudy jon pryjechaŭ ź vizitam, i paprasili prakamientavać skazanaje Donaldam Trampam u intervju vydańniu Politico adnosna nieabchodnaści praviadzieńnia va Ukrainie vybaraŭ.
«Ja zaŭsiody hatovy», — adkazaŭ Zialenski pra zaklik Trampa pravieści vybary va Ukrainie.
U svaim intervju Donald Tramp zajaviŭ, što va Ukrainie ciapier
«važny momant dla praviadzieńnia vybaraŭ. Jany vykarystoŭvajuć vajnu, kab nie pravodzić vybaraŭ, ale va ŭkrainskaha naroda pavinna być takaja mahčymaść. Mahčyma, pieramoža Zialenski. Nie viedaju, chto pieramoža. Ale ŭ ich daŭno nie było vybaraŭ. Viedajecie, jany havorać pra demakratyju, ale ŭ peŭny momant heta ŭžo pierastaje być demakratyjaj».
U Jeŭrasajuzie ŭ toj ža čas raniej padkreślivali, što Zialenski źjaŭlajecca demakratyčna abranym prezidentam, a praviadzieńnie vybaraŭ mahčymaje tolki tady, kali heta dazvolać umovy biaśpieki vajennaha času.
Apošnija prezidenckija vybary va Ukrainie prajšli viasnoj 2019 hoda, tady pieramoh Uładzimir Zialenski. Nastupnyja vybary mielisia, zhodna z Kanstytucyjaj, prajści ŭ 2024 hodzie, ale praz vajnu ich nie praviali. Zhodna ź mirnym płanam Trampa, vybary pavinny prajści ciaham 100 dzion z času padpisańnia pieramirja.
Tramp miarkuje, što va Ukrainie naśpieŭ čas pravieści prezidenckija vybary
Tramp: Zialenskamu daviadziecca ŭziać siabie ŭ ruki i pryniać ździełku, bo Ukraina prajhraje ŭ vajnie
Tramp pra dapamohu ŭkraincam: Ja im ničoha nie daju, a krainy NATA kuplajuć uzbrajeńnie ZŠA za poŭnuju canu
Pytańnie ab pieradačy Ukrainie zamarožanych rasijskich aktyvaŭ budzie vyrašana dniami
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii16
Kamientary