Журналісты італьянскага выдання La Repubblica сустрэліся з прэзідэнтам Украіны Уладзімірам Зяленскім у Рыме, куды ён прыехаў з візітам, і папрасілі пракаментаваць сказанае Дональдам Трампам у інтэрв'ю выданню Politico адносна неабходнасці правядзення ва Украіне выбараў.
«Я заўсёды гатовы», — адказаў Зяленскі пра заклік Трампа правесці выбары ва Украіне.
У сваім інтэрв'ю Дональд Трамп заявіў, што ва Украіне цяпер
«важны момант для правядзення выбараў. Яны выкарыстоўваюць вайну, каб не праводзіць выбараў, але ва ўкраінскага народа павінна быць такая магчымасць. Магчыма, пераможа Зяленскі. Не ведаю, хто пераможа. Але ў іх даўно не было выбараў. Ведаеце, яны гавораць пра дэмакратыю, але ў пэўны момант гэта ўжо перастае быць дэмакратыяй».
У Еўрасаюзе ў той жа час раней падкрэслівалі, што Зяленскі з'яўляецца дэмакратычна абраным прэзідэнтам, а правядзенне выбараў магчымае толькі тады, калі гэта дазволяць умовы бяспекі ваеннага часу.
Апошнія прэзідэнцкія выбары ва Украіне прайшлі вясной 2019 года, тады перамог Уладзімір Зяленскі. Наступныя выбары меліся, згодна з Канстытуцыяй, прайсці ў 2024 годзе, але праз вайну іх не правялі. Згодна з мірным планам Трампа, выбары павінны прайсці цягам 100 дзён з часу падпісання перамір'я.
Трамп мяркуе, што ва Украіне наспеў час правесці прэзідэнцкія выбары
Трамп: Зяленскаму давядзецца ўзяць сябе ў рукі і прыняць здзелку, бо Украіна прайграе ў вайне
Трамп пра дапамогу ўкраінцам: Я ім нічога не даю, а краіны НАТА купляюць узбраенне ЗША за поўную цану
Пытанне аб перадачы Украіне замарожаных расійскіх актываў будзе вырашана днямі
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай20
Каментары