Журналістка Politico Даша Бернс спытала прэзідэнта ЗША, ці не час Украіне правесці выбары.

«Думаю, што так. Іх даўно ўжо не было. Справы ідуць не вельмі добра. Я думаю, што цяпер важны момант для правядзення выбараў. Яны выкарыстоўваюць вайну, каб не праводзіць выбараў, але ва ўкраінскага народа павінна быць такая магчымасць. Магчыма, пераможа Зяленскі. Не ведаю, хто пераможа. Але ў іх даўно не было выбараў. Ведаеце, яны гавораць пра дэмакратыю, але ў пэўны момант гэта ўжо перастае быць дэмакратыяй», — адказаў Дональд Трамп.
Апошнія прэзідэнцкія выбары ва Украіне прайшлі вясной 2019 года, тады перамог Уладзімір Зяленскі. Наступныя выбары меліся, згодна з Канстытуцыяй, прайсці ў 2024 годзе, але праз вайну яны не праведзеныя. Згодна з мірным планам Трампа, выбары павінны прайсці цягам 100 дзён з часу падпісання перамір'я.
Каментары