Biełaruski hurt «Bieź Bileta» paviedamiŭ, što maje namier upieršyniu za 4 hady pravieści kancert. Placoŭkaj dla hetaha abranaja Maskva.
Kancert pryznačany na 6 studzienia 2026 hoda. Jak havorycca ŭ abviestcy, u hurta byli «čatyry hady, kab pieraasensavać usio i znoŭ vybrać — muzyku, ludziej i śviatło».
Pierad hetym stała viadoma, što Vitala Artysta, salista i stvaralnika «Bieź Bileta» 19 kastryčnika ŭklučyli ŭ bazu ŭkrainskaha sajta «Miratvorac», dzie publikujecca infarmacyja pra mierkavanych «prarasijskich terarystaŭ, sieparatystaŭ, najmitaŭ, vajennych złačyncaŭ i zabojcaŭ». Heta adbyłosia z-za jahonaj pajezdki ŭ anieksavany Rasijaj ukrainski Krym.
Kamientary