Suzasnavalnik Vikipiedyi pratrymaŭsia na intervju ŭsiaho 48 siekund
U Hiermanii prajšło adno z samych karotkich sioletnich intervju: suzasnavalnik Wikipedia Džymi Uejłs pajšoŭ sa studyi paśla 48 siekund razmovy z žurnalistam i błohieram Ciła Junham, paviedamlaje Bild.
Junh pačaŭ razmovu z pytańnia, ci źjaŭlajecca Uejłs adzinym zasnavalnikam Vikipiedyi. Uejłs rezka adreahavaŭ: «Heta nie važna. Heta samaje niedarečnaje pytańnie ŭ śviecie. Nazyvajcie mianie jak chočacie».
Kali viadučy pasprabavaŭ udakładnić farmuloŭku, Uejłs razzłavaŭsia: «Ja ŭžo čatyry razy adkazaŭ. Heta nie važna. Viedajecie što? Ja skončyŭ. Dziakuj». Paśla hetaha jon pakinuŭ studyju.
Junh, jaki zastaŭsia ŭ kadry adzin, tolki zaŭvažyŭ: «Dobra. Samaje karotkaje intervju na hetym kanale. Da pabačeńnia».
Rezkaja reakcyja Uejłsa źviazanaja ź jahonym šmathadovym kanfliktam z Łary Senhieram — druhim stvaralnikam Vikipiedyi. Senhier abvinavačvaŭ Uejłsa ŭ tym, što toj časam pradstaŭlaŭ siabie jak adzinaha zasnavalnika prajekta. Na samoj Vikipiedyi abodva pa-raniejšamu paznačany jak «suzasnavalniki».
Chto toj redaktar biełaruskaj Vikipiedyi, jakoha pasadzili na dva hady za «dyskredytacyju Biełarusi»
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ
Paśla represij suprać redaktaraŭ biełaruskija raździeły Vikipiedyi bjuć antyrekordy
Na stvareńnie rasijskaj alternatyvy Vikipiedyi patracili $25 miljonaŭ, a na likvidacyju patraciać jašče amal $4 miljony
Kamientary
Senhier zaraz vielmi papularny ŭ MAHA-kołach, bo jon daŭno niezadavoleny tym, što vikipiedysty adkidajuć marhinalnyja krynicy i anhažavanyja miedyja pa pytańniach, jakija źjaŭlajucca ideałahičnaj fiksacyjaj dla amierykanskich pravych.