Na fonie adkryćcia Polščaj miažy Minsk prapanuje adkłaści techničnyja pieramovy ź Litvoj
Na fonie rašeńnia Polščy ŭ piatnicu ab namierach 17 listapada adkryć dva pamiežnyja punkty ź Biełaruśsiu, daradca premjer-ministra Litvy Inhi Ruhinienie zajaviŭ, što Minsk prapanavaŭ adkłaści da nastupnaha aŭtorka techničnyja pieramovy ź Vilniaj ab viartańni ŭ Litvu hruzavikoŭ, jakija zastalisia ŭ Biełarusi, paviedamlaje LRT.
«Apošniaja infarmacyja siońniašniaha dnia jašče raz paćviardžaje, što biełaruski režym tolki imituje žadańnie vyrašyć prablemy našych i jeŭrapiejskich pieravozčykaŭ, utrymanych u jakaści zakładnikaŭ», — havorycca ŭ raspaŭsiudžanym dla ŚMI kamientary Ihnasa Alhirdasa Dabravolskasa.
Paźniej jon udakładniŭ, što «zamiest pieramoŭ, jakija mahli b adbycca, skažam, zaŭtra, jany prapanujuć aŭtorak».
Pradstaŭnik Słužby achovy dziaržaŭnaj miažy, jakaja viadzie techničnyja pieramovy ź biełaruskimi pamiežnikami, Hiedrius Mišucis nie staŭ kamientavać zajavu daradcy premjera.
«Zamiest taho kab spynić pahrozu, jakuju kantrabandnyja šary stvarajuć dla hramadzianskaj avijacyi na Zachadzie, Biełaruś pahłyblaje eskałacyju i mietadami pirataŭ abo terarystaŭ uziała ŭ zakładniki majomaść našych i jeŭrapiejskich pieravozčykaŭ», — dadaŭ Dabravolskas.
Pa jaho słovach, niahledziačy na pazityŭnyja prykmiety — paśla zakryćcia miažy źmienšyłasia kolkaść šaroŭ i inšych ryzyk — Biełaruś abaviazana nieadkładna dazvolić litoŭskamu hruzavomu transpartu vyjechać bieź jakich-niebudź dadatkovych sankcyj.
Biełaruś pahražaje štrafami kiroŭcam, jakija nie pierahnali litoŭskija fury na stajanki
Staršynia asacyjacyi litoŭskich pieravozčykaŭ nazvaŭ Biełaruś «terarystyčnaj dziaržavaj»
Nakolki zakrytaja miaža ź Litvoj upłyvaje na dastaŭku tavaraŭ i kolki litoŭskich fur i pryčepaŭ nasamreč zachrasła ŭ Biełarusi?
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary