Arhanizavać jaje płanujecca ŭ z 17 pa 23 listapada.
Alaksandr Łukašenka anansavaŭ praviadzieńnie vialikaj razmovy z navukovaj supolnaściu ŭ najbližejšy čas. Pra heta jon zajaviŭ, prymajučy z dakładam staršyniu Prezidyuma Nacyjanalnaj akademii navuk Uładzimira Karanika, piša BiełTA.
Łukašenka adznačyŭ, što jaho razmova z kiraŭnikom NAN papiaredžvaje maštabnaje mierapryjemstva z udziełam navukovaj supolnaści. «Heta taki pieršy krok da praviadzieńnia našaj razmovy z vučonymi, vialikaj razmovy», — rastłumačyŭ jon.
Arhanizavać jaje płanujecca ŭ z 17 pa 23 listapada. Dakładnuju datu vyznačać paźniej, jana budzie zaležać ad hrafika pracy Łukašenki, u tym liku praviadzieńnia mižnarodnych mierapryjemstvaŭ. «U vas budzie mahčymaść padrychtavacca da hetaj narady, da hetaj surjoznaj razmovy. Treba, kab mienš było zaarhanizavanaści. Kali pa spravie jość u vučonaha što-niebudź skazać pa paradku dnia hetaj narady, jaki my vyznačym, niachaj kažuć, pasłuchajem», — skazaŭ jon.
«Treba, kab člen-kary, akademiki prysutničali i razumieli našy patrabavańni. My paddobryvacca da vučonych nie źbirajemsia, u tym liku i ja. Čamu? Tamu što heta razumnyja ludzi. Jany pavinny razumieć, što biez vyniku tołku nie budzie», — padkreśliŭ Łukašenka.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary