Suzasnavalnika Wargaming prysudzili da 13 hadoŭ źniavoleńnia i štrafu na 2,1 miljona rubloŭ
Viarchoŭny sud Biełarusi pakinuŭ bieź źmienaŭ prysud u 13 hadoŭ pazbaŭleńnia voli, zavočna vyniesieny Mikałaju Kacałapavu, suzasnavalniku Wargaming. Jaho pryznali vinavatym u «finansavańni teraryzmu i ekstremizmu».
Minski haradski sud pieršapačatkova asudziŭ 46‑hadovaha biznesmiena ŭ vieraśni — jaho abvinavacili ŭ finansavańni terarystyčnaj i ekstremisckaj dziejnaści.
«Dakazana, što Kacałapaŭ za try hady ŭnios bolš za 60 płaciažoŭ na nie mienš jak Br750 tys., spansarujučy čatyry ekstremisckija i try terarystyčnyja arhanizacyi», — zajaŭlaje SK.
Nasamreč havorka idzie pra inicyjatyvy biełaruskaj hramadzianskaj supolnaści i fondy salidarnaści z represavanymi pa palityčnych matyvach.
Akramia 13‑hadovaha terminu ŭ kałonii ŭzmocnienaha režymu, sud pryznačyŭ značny štraf u pamiery 2,1 miljona biełaruskich rubloŭ.
Sudovaja kalehija Viarchoŭnaha suda pa kryminalnych spravach 28 kastryčnika razhledzieła apielacyjnuju skarhu i pastanaviła pakinuć pieršapačatkovy prysud bieź źmienaŭ.
Kacałapaŭ nie ŭ Biełarusi, prysud zavočny.
SK paviedamlaje, što ŭ Kacałapava ŭ stalicy jość majomaść, u tym liku luksavyja aŭtamabili i darahaja nieruchomaść, što budzie vykarystana dla zabieśpiačeńnia vypłaty štrafu.
Kamientary