Сузаснавальніка Wargaming прысудзілі да 13 гадоў зняволення і штрафу на 2,1 мільёна рублёў
Вярхоўны суд Беларусі пакінуў без зменаў прысуд у 13 гадоў пазбаўлення волі, завочна вынесены Мікалаю Кацалапаву, сузаснавальніку Wargaming. Яго прызналі вінаватым у «фінансаванні тэрарызму і экстрэмізму».
Мінскі гарадскі суд першапачаткова асудзіў 46‑гадовага бізнэсмена ў верасні — яго абвінавацілі ў фінансаванні тэрарыстычнай і экстрэмісцкай дзейнасці.
«Даказана, што Кацалапаў за тры гады ўнёс больш за 60 плацяжоў на не менш як Br750 тыс., спансаруючы чатыры экстрэмісцкія і тры тэрарыстычныя арганізацыі», — заяўляе СК.
Насамрэч гаворка ідзе пра ініцыятывы беларускай грамадзянскай супольнасці і фонды салідарнасці з рэпрэсаванымі па палітычных матывах.
Акрамя 13‑гадовага тэрміну ў калоніі ўзмоцненага рэжыму, суд прызначыў значны штраф у памеры 2,1 мільёна беларускіх рублёў.
Судовая калегія Вярхоўнага суда па крымінальных справах 28 кастрычніка разгледзела апеляцыйную скаргу і пастанавіла пакінуць першапачатковы прысуд без зменаў.
Кацалапаў не ў Беларусі, прысуд завочны.
СК паведамляе, што ў Кацалапава ў сталіцы ёсць маёмасць, у тым ліку люксавыя аўтамабілі і дарагая нерухомасць, што будзе выкарыстана для забеспячэння выплаты штрафу.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17
Каментары