Tapuzidzis i Piatrovič stali ŭładalnikami adnaho z najbujniejšych handlovych centraŭ Homiela
U kancy vieraśnia kampanija «NP-Servis» pieradała ŭ ramkach damovy prava na tavarny znak «Sakret» adnoj z najbujniejšaj handlova-pramysłovaj hrupie krainy «Tytuń-Inviest», zaŭvažyła vydańnie «Biełorusy i rynok».
«Sakret» — heta nazva handlovaha centra, jaki byŭ uźviedzieny ŭ 2008 hodzie ŭ Homieli. Jaho ahulnaja płošča składaje 30 tysiač kvadratnych mietraŭ, na jakich raźmieščanyja bolš za 150 kram i inšych ustanoŭ. Štomiesiačnaja prapusknaja zdolnaść centra składaje, jak paviedamlajecca ŭ prezientacyi, 350 tysiač čałaviek.
U 2012 hodzie ŭładalnikam «Sakretu» stała dystrybjutarskaja kampanija «NP-Servis», jakaja naležyć Ivanu Bierazoŭskamu. Źmiena ŭłaśnika tady vyklikała hučny skandał — Ivan Bierazoŭski adrazu ŭ try razy padniaŭ płatu dla arandataraŭ.
U 2018 hodzie «NP-Servis» vystaŭlaŭ «Sakret» na prodaž na fonie prablem va ŭładalnika. Tady pretenzii da Ivana Bierazoŭskaha za niavypłatu padatkaŭ vystavili siłaviki. Jaho ŭpaŭnavažanyja prasili za abjekt 44,3 miljona dalaraŭ.
Ciapier na sajcie HC «Sakret» u vychodnych danych užo paznačanaja kampanija «Tytuń-Inviest». Heta — šmatprofilny chołdynh, jakim vałodajuć praŭładnyja bujnyja biznesmieny Pavieł Tapuzidzis i Viktar Piatrovič.
U «Tytuń-Inviest» niekalki kirunkaŭ — vytvorčaść cyharet, sietka supiermarkietaŭ «Karona», hatelny biznes, hramadskaje charčavańnie, ale klučavy — heta handlovaja nieruchomaść. U 2000‑ia hady ŭładalniki «Tytuń-Inviest» aktyŭna skuplali jaje pa ŭsioj krainie.
MARH praciahvaje treści «Tabakierki» Aleksina: paśla papiaredniaj pravierki parušeńniaŭ stała jašče bolš
MARH vyjaviŭ parušeńni va ŭsich pravieranych kramach «Karona»
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh
U Biełarusi źjaviłasia novaja kampanija — vytvorca cyharet. Ale nie novaje proźvišča jaje ŭładalnika
Vyjavilisia svajackija suviazi pamiž ułaśnikami «Karony» Paŭłam Tapuzidzisam i Viktaram Piatrovičam
Kamientary