Ministerstva antymanapolnaha rehulavańnia i handlu praciahvaje pravierki handlovych sietak. Hetym razam pad pilnuju ŭvahu trapiła sietka «Karona», jakoj kiruje kampanija Paŭła Tapuzidzisa TAA «Tytuń-inviest».
U kampanii «Tytuń-inviest» — bolš za 130 handlovych abjektaŭ i zvyš 80 ustanoŭ hramadskaha charčavańnia pa ŭsioj Biełarusi. Pravierki zakranuli nie tolki Minsk, ale i rehijony: Hrodna, Viciebsk, Homiel, Brest i Minski rajon.
Pavodle źviestak z Handlovaha rejestra, na terytoryi Respubliki Biełaruś kampanija maje bolš za 130 handlovych abjektaŭ i zvyš 80 ustanoŭ hramadskaha charčavańnia.
Pravierki pakazali, što ŭ 100% abjektaŭ, jakija padlahali kantrolu, byli zafiksavanyja parušeńni zakanadaŭstva.
U tym liku ŭ troch abjektach zaharadnaha abjekta «Robinsan kłub», jaki taksama naležyć «Tytuń-inviestu», była zabaroniena realizacyja nastupnych tavaraŭ:
- pradukcyi z praterminavanym terminam prydatnaści (rassypny zialony čaj koštam bolš za 470 rubloŭ za kiłahram, zamiežnaje vinahradnaje vino — 140 rubloŭ za butelku, soki i miasnyja paŭfabrykaty);
- tavaraŭ biez dakumientaŭ, što paćviardžajuć jakaść i biaśpieku, biez tavarnych etykietak abo ŭkładnych listkoŭ (roznyja vidy siropaŭ prykładna pa 100 rubloŭ za butelku);
- pradukcyi, što zachoŭvałasia z parušeńniem patrabavańniaŭ (zamiežnaje vinahradnaje vino pa 140 rubloŭ za butelku i zamiežny likior pa 240 rubloŭ za butelku).
Pravierki handlovych sietak, jak paviedamlajecca, buduć praciahvajucca i dalej.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary