Pastanoŭku «Siostry Hrym» u Biełaruskim dziaržaŭnym teatry lalek, jakaja nie adbyłasia 13 vieraśnia, aficyjna admianili «pa techničnych pryčynach». Adnak na samaj spravie premjeru zabaranili, i ciapier źjaviłasia paćviardžeńnie, što śpiektakl bolš nikoli nie vyjdzie na scenu, piša «Lusterka».
13 vieraśnia ŭ Biełaruskim dziaržaŭnym teatry lalek nie adbyłasia premjera śpiektakla Jaŭhiena Karniahi «Siostry Hrym». Kalektyŭ byŭ vymušany napisać u sacsietkach, što admiena nibyta adbyłasia «pa techničnych pryčynach». Ale ciapier źjaviŭsia dokaz, što śpiektakl nie adbudziecca.
Z sajta teatra paprostu vydalili staronku pra pastanoŭku «Siostry Hrym» (ciapier jana nie adkryvajecca). U raździele «Śpiektakli dla darosłych» jaje niama.
Kali b isnavała choć by minimalnaja mahčymaść taho, što hety prajekt režysiora Jaŭhiena Karniaha źjavicca na scenie, jaje b pakinuli, kab zatym zrabić spasyłku na jaje ŭ «Afišy». Tak što «Siostry Hrym» bolš nikoli nie buduć pakazany.
Pierad premjeraj, viečaram 12 vieraśnia, u teatry prajšoŭ tradycyjny pieradpakaz, na jakim prysutničała kamisija Ministerstva kultury. Mienavita jana ažyćciaŭlaje papiaredniuju cenzuru ŭsich pastanovak. Kamisija pryniała rašeńnie nie dapuskać śpiektakl da pakazu. Pa jakoj mienavita pryčynie, nieviadoma. Ale adrazu paśla hetaha rašeńnia teatr byŭ vymušany admianić premjeru — da pieršaha pakazu zastavałasia mienš za sutki.
Pra što moh być śpiektakl?
Jašče ŭ 2015 hodzie režysior Jaŭhien Karniah pastaviŭ u hetym ža kalektyvie śpiektakl «Intervju ź viedźmami», zasnavany na kazkach bratoŭ Hrym. Jon išoŭ da 2023 hoda, pakul z teatra nie była zvolniena adna z aktrys, što tam ihrała. Ciapier Karniah vyrašyŭ pastavić na hetym materyjale padobny, ale ŭsio ž krychu inšy śpiektakl.
«Śpiektakl «Siostry Hrym» uciahvaje hledačoŭ u tajamničy śviet, dzie pačynaješ hladzieć kazku, jakaja raptam akazvajecca padrabiaznym daśledavańniem žanočaj dušy. Siarod cieniaŭ minułaha źjaŭlajucca try ŭvasableńni žanočaj pryrody, try viedźmy. U kožnaj — svaja historyja. I kožnaja hatovaja joj padzialicca. Realnaść pieraplatajecca z fantazijami. U jarkich, emacyjnych manałohach hieraiń adčuvajucca nie tolki siła i abajańnie, ale i hłyboki bol. Hetyja žančyny nie šukajuć apraŭdańniaŭ — jany prosta chočuć raskazać, jak čakali kachańnia, ale jano tak i nie pryjšło… «Siostry Hrym» — heta razvažańnie pra toje, što značyć być žančynaj, pra toje, što takoje ŭnutranaje śviatło i luboŭ», — śćviardžałasia ŭ anonsie śpiektakla.
U dadzieny momant Teatr lalek źjaŭlajecca samym papularnym biełaruskim teatram. Minčanie skardziacca, što tudy niemahčyma trapić. A sam kalektyŭ aburajecca pieraprodažam biletaŭ u siecivie pa zavyšanych cenach.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary