Pamierła najstarejšy pradstaŭnik karaleŭskaj siamji ŭ Brytanii. Hiercahinia pakinuła karaleŭskaje žyćcio, kab stać školnaj nastaŭnicaj

Najbolš publika viedała jaje jak elehantnuju žančynu, jakaja štohod uručała trafiei na Uimbłdonie, a adnojčy navat suciašała zasmučanuju finalistku.

Jana stała pieršym pradstaŭnikom karaleŭskaj siamji, jakaja pryniała katalicyzm paśla Aktu ab naśledavańni trona 1701 hoda — ale heta nie stała samym vialikim siurpryzam ź jaje boku.

Asensavaŭšy, što jaje dźvie straści — heta muzyka i dzieci, jana cicha adyšła ad karaleŭskaha žyćcia i ŭładkavałasia nastaŭnicaj muzyki ŭ pačatkovaj škole ŭ Kinhstan-apon-Chał.

Jana navat pierastała karystacca tytułam Jaje Karaleŭskaja Vysokaść. U nastaŭnickaj jana była prosta «Ket», a dla dziaciej — «misis Kient».

Samotnaje dziacinstva

Ketryn Lusi Mery Uorśli naradziłasia ŭ Jorkšyry ŭ 1933 hodzie. Jaje domam byŭ Choŭinhiem-Choł — vialiki majontak, jaki naležaŭ siamji na praciahu stahodździaŭ.

Jana nie była vysakarodnaha pachodžańnia, ale siamja Uorśli była zamožnaj. Jaje dzied, Džon Bruner, zasnavaŭ kampaniju pa vytvorčaści farbaŭ i chimikataŭ, jakaja paźniej stała ICI.

Pakolki bratoŭ adpravili ŭ zakrytuju škołu, dziacinstva Ketryn było samotnym. Padčas Druhoj suśvietnaj vajny jaje adzinymi pastajannymi spadarožnicami časta byli maci i staraja huviernantka.

Jana znachodziła suciašeńnie ŭ pahorkach i pustkach Jorkšyru. Fatohraf Sesił Bitan, jaki časta byvaŭ u ich domie, apisaŭ jaje jak «dziaŭčynu, što vielmi lubiła być na pryrodzie».

Kali joj spoŭniłasia 10, joj dazvolili pajści ŭ škołu — spačatku ŭ Sent-Marharet u Jorku, a paźniej u Rantan-Chił u Norfałku.

Rantan-Chił byŭ zmročnym zakładam, ale mienavita tam Ketryn paznajomiłasia z muzykaj — svajoj pažyćciovaj straściu. Jana navučyłasia hrać na fartepijana i skrypcy, a taksama — majučy cudoŭny hołas — brała ŭroki śpievu.

Paśla zakančeńnia škoły joj nie ŭdałosia pastupić u Karaleŭskuju akademiju muzyki, tamu jana pajšła ŭ škołu mis Chjubler u Oksfardzie.

Debiutantka

Niahledziačy na adsutnaść dypłomaŭ, baćki ŭładkavali jaje na pracu ŭ elitny dziciačy sadok — ale na samoj spravie ich metaj zastavałasia znajści joj muža.

Jak pryhožaja i bahataja debiutantka, Ketryn paznajomiłasia z mnohimi vidnymi maładymi mužčynami 1950-ch hadoŭ — i siarod ich byŭ prync Edvard, hiercah Kiencki, unuk Hieorha V.

Na momant jaho naradžeńnia prync Edvard byŭ šostym u čarzie na tron — nastolki blizkim, što pa zakonie na jaho naradžeńni pavinien byŭ prysutničać ministr unutranych spraŭ, kab paćvierdzić budučyja pravy na spadčynu.

Prync Edvard tolki što skončyŭ Sandcherst i słužyŭ aficeram u Keteryku, niedaloka ad jaje rodnaha doma — ale jaho maci, pryncesa Maryna, nibyta nie ŭchvalała ich adnosinaŭ.

Jana choć i była bahataj, ale ŭsio ž zastavałasia prostaludzinkaj. Hiercah byŭ adpraŭleny ŭ Hiermaniju, kab astudzić pačućci, ale adlehłaść nie zahasiła połymia.

Pavialičyć

Tym časam Ketryn ź siabroŭkaj adpravilisia ŭ padarožža aŭtobusam u Mieksiku. Padarožža ciahnułasia niekalki miesiacaŭ, i kali jana prybyła ŭ punkt pryznačeńnia, tam jaje čakali kvietki z paštoŭkaj ad «E».

Para abviaściła pra zaručyny ŭ sakaviku 1961 hoda, a praź miesiac ažaniłasia.

Ikona stylu

Kab jašče bolš urazić siamju, jany vyrašyli nie vybirać dla viasiella Viestminsterskaje abactva ci sabor Śviatoha Paŭła.

Siabroŭ i rodnych zaprasili ŭ Jorkski sabor — chram, dzie apošni raz adbyvałasia karaleŭskaje viasielle ŭ 1328 hodzie.

Haziety byli ŭ zachapleńni ad novaha pradstaŭnika karaleŭskaj siamji, i Ketryn nie rasčaravała.

Napiaredadni viasiella jaje sfatahrafavali ŭ samym modnym ubory 1960-ch — mini-spadnicy.

Ź ciaham času naradzilisia jašče dvoje dziaciej: łedzi Chelen i łord Nikałas Vindzar. Ale ŭ 1975 hodzie padčas čaćviortaj ciažarnaści Ketryn zachvareła na krasnuchu.

Daktary raili zrabić abort, bo chvaroba časta škodzić nienarodžanym dzieciam. Paśla kansultacyj z relihijnymi aŭtarytetami Ketryn pierapyniła ciažarnaść.

Praz dva hady piataja ciažarnaść zaviaršyłasia naradžeńniem miortvaha syna Patryka.

«Heta akazała razburalny ŭpłyŭ na mianie, — kazała jana paźniej. — Ja pakutavała ad vostraj depresii. Dumaju, redka chto vytrymaŭ by takoje vyprabavańnie».

Niervovaje źniasileńnie

U 1976 hodzie prync Edvard pakinuŭ armiju, uziaŭ na siabie bolš karaleŭskich abaviazkaŭ i staŭ namieśnikam kiraŭnika Brytanskaj rady pa źniešnim handli.

Novaje žyćcio patrabavała pastajannych pajezdak, i hiercahinia pačała adčuvać stomlenaść. Śmierć baćkoŭ pahoršyła jaje stan.

U 1978 hodzie jana trapiła ŭ balnicu z «niervovym źniasileńniem», ale nieŭzabavie pastupova viarnułasia da publičnaj dziejnaści — u pryvatnaści, da pracy z arhanizacyjami, što dapamahali maładym i stałym ludziam.

Najbolš viadomaj jaje rolaj było ŭručeńnie trafiejaŭ na Uimbłdonie, dzie, pavodle paviedamleńniaŭ, mienavita jana adyhrała klučavuju rolu ŭ skasavańni tradycyi, kali hulcy pavinny byli kłaniacca abo prysieści pierad karaleŭskaj łožaj.

Jaje rašeńnie padtrymała karaleva Lizavieta, jakaja pastanaviła, što miesca prynca Edvarda ŭ čarzie na tron zastaniecca niaźmiennym.

Ketryn praciahvała pracavać ź JUNISIEF i dapamahać achviaram min u Kambodžy, ale ŭsio bolš addalałasia ad karaleŭskaj siamji. Jana navat abviaściła, što bolš nie budzie karystacca tytułam Jaje Karaleŭskaja Vysokaść, i pačała žyć z mužam asobna.

Nazyvajcie mianie «Ketryn Kient»

Jana pačała pradstaŭlacca prosta jak Ketryn Kient.

«Ja nie lublu być publičnaj asobaj i kažu heta vielmi ščyra, — pryznavałasia jana. — Heta maja natura, takoj ja naradziłasia. Ja lublu pracavać cicha, za kulisami. Ja vielmi saramlivy čałaviek».

Jana stała nastaŭnicaj muzyki ŭ pačatkovaj škole Vanśbiek u Kinhstan-apon-Chał, dzie vialikuju ŭvahu nadavali navučańniu dziaciej z asablivymi adukacyjnymi patrebami. Tolki dyrektar škoły viedaŭ, chto jana nasamreč.

«Vučni pačatkovaj škoły — jak maleńkija hubki, — kazała Ketryn. — Jany vielmi achvotna vučacca, i tamu vykładać im — sapraŭdnaje zadavalnieńnie».

U 2004 hodzie Ketryn zasnavała dabračynny fond Future Talent, kab dać dzieciam ź biednych siemjaŭ mahčymaść zajmacca muzykaj.

U partniorstvie sa škołami dzieciam vydavali instrumienty i zaachvočvali raźvivać muzyčnyja zdolnaści.

I vykładała jana nie tolki kłasičnuju muzyku.

Žarść da repu

U intervju Guardian hiercahinia pryznałasia, što lubić Eminem i Ice Cube — chacia dadała, što nie moža hetaha skazać pra Kanye West ci Stormzy.

«Kali vy ŭbačycie kahości na trasie M40, chto vyhladaje trochi dziŭna, — heta ja sprabuju čytać rep u mašynie pa darozie dadomu», — skazała jana ździŭlenamu žurnalistu.

Ketryn, hiercahinia Kienckaja, redka pakidała svaju dobraachvotnuju izalacyju, choć u 2018 hodzie naviedała viasielle prynca Hary.

Jana taksama, pa zaprašeńni karalevy Lizaviety, była siarod niešmatlikich, chto ŭdzielničaŭ u pachavańni hiercaha Edynburhskaha — ale była zanadta słaboj, kab prysutničać na karanacyi karala Karła III u 2023 hodzie.

Pavialičyć

Jaje zapomniać pa tych abdymkach z češskaj tenisistkaj Janaj Novatnaj, pa jaje hodnaści i cichim spačuvańni, a taksama jak «karaleŭskuju asobu pa prymusie», jakaja ŭrešcie vyrašyła, što jaje sapraŭdnaje paklikańnie — navučać dziaciej lubić muzyku.

• 6
• 1
• 0
• 1
• 0
• 4
• 0
• 1