Z momantu ŭklučeńnia ŭ abjadnanuju enierhasistemu pieršaha enierhabłoka (3 listapada 2020 hoda) Biełaruskaja atamnaja stancyja (BiełAES) sumarna vyrabiła 50 młrd kVt·h elektraenierhii. Heta dazvoliła zamiaścić 13,6 młrd m³ pryrodnaha hazu, paviedamlaje Minenierha.
Fota: Minenierha
Kožny z enierhabłokaŭ vyrablaje kala 28 młn kVt·h elektraenierhii za sutki. Dola atamnaj hienieracyi ŭ ahulnym abjomie vytvorčaści elektraenierhii ŭ Biełarusi składaje 40 %.
Minenierha zaznačaje, što ŭźviadzieńnie i ŭvod u ekspłuatacyju Biełaruskaj AES stała važnym etapam u raźvićci enierhasistemy:
- kraina całkam zabiaśpiečvaje siabie ŭłasnaj elektraenierhijaj i admoviłasia ad impartu;
- masavaja elektryfikacyja i pierachod nasielenych punktaŭ na elektraaciapleńnie pavyšajuć kamfort pražyvańnia miljonaŭ ludziej;
- u biełaruskich haradach raście kolkaść elektratranspartu;
- za košt pravodzimaj madernizacyi elektrasietak zabiaśpiečvajecca nadziejnaść elektrazabieśpiačeńnia.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1515
Kamientary
Biełaruś da AES vypracoŭvała elektraenierhii bolš jak spažyvała.
Lišak skidaŭsia ŭ BREŁŁ (kalco Biełaruś-Rasija-Estonija-Łatvija-Litva-Biełaruś), ale sioleta krainy Bałtyi narešcie ałklučylisia i nie ŭžo zaležać ad enierhasistemy Rasii i Biełarusi). Hety lišak davaŭ Biełarusi mahčymaść biezprablemna adklučać luby enerhabłok našych stancyj dla prafiłaktyki ci ramontu.
Biełaruś spažyvała haz, ale ekspartavała elektraenierhiju.
Usie dadzienyja vytvorčaści i spažyvańnia biełaruskaj elektraenierhii majucca ŭ adkrytych krynicach i lohka huhlacca pa hadach, kožny moža pravieryć.
Skaračeńnie spažyvańnia hazu, kab stvaryć zaležnaść ad rasijskaha jadziernaha paliva heta jak nahavicy naciahnuć na hałavu i hanarycca niepatrebnaści šapki.
Šmat elektrastancyj na pryrodnym hazie, jaki pry dadańni možna brać dzie zaŭhodna, sa šmatlikimi enierhabłokami kožnaja heta biaśpiečniej, čym adna stancyja całkam i nazaŭsiody zaležnaja vyklučna ad rasijskich jadziernych "drovaŭ".
Pry košcie $128.50= za 1m3 košt zamieščanaha rasiejskaha haza składaje $1.75młrd, Kali b ź jaho było vyrablena 50młrd kVt*h - sabiekošt elektraenerhii pa palivu skłaŭ by $0.035 za kVt*h. Jaki sabiekošt jadravaj hienieracyi na BiełAES - dahetul nieviadoma. Tym bolš što jon supradvažajecca vieličeznymi vydatkami na budaŭnictva, utylizacyju jadravaha paliva i vielmi darahi vyvad AES z ekspłuatacyi.