PAOK blizki da padpisańnia abaroncy minskaha «Dynama» Paŭła Apiacionka. Suma tranśfieru składzie 350 tysiač jeŭra.
Taksama ŭ pahadnieńni budzie praduhledžana 10 pracentaŭ ź pieraprodažu hulca. Kantrakt z futbalistam budzie raźličany na čatyry hady, paviedamlaje «Biełaruski futboł» sa spasyłkaj na insajdara Ivana Karpava.
PAOK pierakanaŭ atačeńnie Apiacionka ŭ tym, što mienavita hety kłub — aptymalny varyjant raźvićcia karjery. U apošnija hady PAOK pierapradaŭ niekalki futbalistaŭ u Jeŭropu.
U hetym siezonie 18-hadovy biełarus pravioŭ 15 matčaŭ va ŭsich turnirach za «Dynama-Minsk», zabiŭ adzin hoł i addaŭ adnu halavuju pieradaču.
Zaznačałasia, što Pavieł moh akazacca ŭ italjanskim «Taryna», ale tranśfier sarvaŭsia.
PAOK — adzin ź viadomych kłubaŭ Hrecyi, bazujecca ŭ Sałonikach, byŭ utvorany ŭ 1926 hoda hreckimi biežancami z Kanstancinopala, tamu tak i nazyvajecca — Panthessalonikios Athlitikos Omilos Konstantinoupoliton (Pansałonikski atletyčny kłub kanstancinapolcaŭ).
Čatyrochrazovy čempijon Hrecyi, apošniaje čempijonstva ŭ 2024 hodzie, u minułym siezonie finišavaŭ trecim. Vałodaje kłubam rasijski pradprymalnik Ivan Savidzi.
U vyšejšych dyvizijonach u Jeŭropie biełarusy hulajuć u Bałharyi (dva čałavieki), Bośnii i Hiercahavinie (1), Hrecyi (1), na Kipry (1), Polščy (2), Sierbii (1).
Što da krain byłoha SSSR, to najbolšaja dyjaspara ŭ vyšejšym dyvizijonie Kazachstana (15), u Rasii (8), Kyrhyzstanie (8). Małdova (3), Litva (2), Hruzija (1), Armienija (1).
Taksama paviedamlałasia, što Jahor Parchomienka moža apynucca ŭ bałharskim «CSKA 1948», a Vital Lisakovič u słavienskim «Cele».
Uładzisłaŭ Marozaŭ, što naležaŭ partuhalskaj «Arocy» z vyšejšaha dyvizijona, addadzieny ŭ arendu ŭ dacki «Kołdynh» z druhoha dyvizijona.
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary