Rasija ŭdaryła pa niekalkich abłaściach Ukrainy. Jość zahinuły i paranienyja
Na miescy traplańniaŭ uźnikli pažary.
U noč na 2 vieraśnia rasijanie ŭdaryli dronami pa Biełacarkoŭskaj hramadzie na Kijeŭščynie, u vyniku čaho zahinuła adna asoba, jość paranienyja. Taksama ŭdar byŭ naniesieny pa Sumach. Pra heta paviedamiŭ sakratar Biełacarkoŭskaj haradskoj rady Uładzimir Vaŭkatrub, piša «UNIAN».
«Na žal, jość paciarpiełyja i viadoma pra adnaho zahinułaha», — paviedamiŭ sakratar harrady.
Jak dadaŭ načalnik Kijeŭskaj abłasnoj vajennaj administracyi (AVA) Mikałaj Kałašnik, cieła mužčyny było znojdziena padčas likvidacyi pažaru ŭ haražnym kaapieratyvie.
Akramia hetaha, rasijanie ŭdaryli pa Sumach. U horadzie ŭźnik maštabny pažar.
U pryvatnaści, jak paviedamiŭ kiraŭnik Sumskaj AVA Aleh Ryhoraŭ, udarnyja drony trapili pa niežyłych budynkach u Zarečnym rajonie horada.
Mer Sum Arciom Kabzar dadaŭ, što dva vybuchi, jakija čuli miascovyja žychary, — heta traplańni varožaha BpŁA ŭ niežyłoje pamiaškańnie.
«Na žal, jość paranienyja ludzi», — adznačyŭ jon.
Jak dadaŭ kiraŭnik Sumskaj haradskoj vajennaj administracyi Siarhiej Kryvašejenka, jość paciarpiełyja, jakija źviarnulisia pa ambułatornuju dapamohu, siarod ich — dzicia.
Akramia taho, rasijskaja armija znoŭ atakavała pryportnuju infrastrukturu Izmailskaha rajona Adeskaj vobłaści, paviedamiła miascovaja rajonnaja administracyja.
«Dziakujučy svoječasovamu reahavańniu na pahrozu, udałosia praduchilić značnyja razbureńni i čałaviečyja achviary», — havorycca ŭ paviedamleńni.
U rajadministracyi ŭdakładnili, što na miescy ŭźnikli pažary, jakija byli apieratyŭna likvidavany.
Ciapier čytajuć
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija12
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary