Paśla zacišša ŭ Homielskaj vobłaści znoŭ pačuli drony: što viadoma
Uviečary 19 žniŭnia ŭ Homielskaj vobłaści znoŭ fiksavalisia rasijskija bieśpiłotnyja latalnyja aparaty, jakija trapili ŭ pavietranuju prastoru Biełarusi padčas ataki terytoryi Ukrainy. Situacyja znoŭ była nietypovaj, piša «Fłahštok».
Pavodle źviestak «Fłahštoka», kala 22:00 u Naroŭli čuli charakterny huk «mapieda». Dron pralacieŭ nad rajcentram u nieviadomym napramku, paviedamili śviedki.
U hety čas ukrainskija manitorynhavyja kanały nie fiksavali zalotaŭ z terytoryi Biełarusi, ale adznačali ich paźniej: dva «šachiedy», što zalacieli z Homielskaj vobłaści, nakiroŭvalisia z Kijeŭščyny na Žytomirščynu za niekalki chvilin da 23:00 — pavodle danych kanała «PPA Radar».
Pavodle infarmacyi inšaha kanała, «jeRadar», pieršapačatkova adzin z dronaŭ źjaviŭsia ŭ rajonie Čarnihava ŭ 22:30, zatym łakacyjna byŭ stračany i kala 22:50 źjaviŭsia ŭ Čarnobylskaj zonie ŭ Kijeŭskaj vobłaści, paviedamiŭ pradstaŭnik kanała «Fłahštoku».
Fakt pierasiačeńnia miažy Biełarusi manitorščykam zafiksavać nie ŭdałosia, ale jany adznačyli, što, mierkavana, heta byŭ reaktyŭny bieśpiłotnik, jaki raźvivaje chutkaść da 300—350 km/h. Vierahodna, heta pieršy vypadak vykarystańnia pavietranaj prastory Biełarusi dla pralotu reaktyŭnaha «šachieda».
U Naroŭli ž čuli dron sa zvyčajnym ruchavikom.
Pierad hetym apošni raz rasijski BpŁA adznačaŭsia ŭ Homielskaj vobłaści ranicaj 15 žniŭnia. Tady adrazu dva manitorynhavyja kanały paviedamlali pra toje, što kala 9:00 i 10:00 bieśpiłotnik nieŭstanoŭlenaha typu nakiroŭvaŭsia ź Biełarusi da miažy Kijeŭskaj i Čarnihaŭskaj vobłaści.
Da hetaha na praciahu 10 dzion było zacišša — paśla taho jak nočču 4 žniŭnia dźvie hrupy BpŁA nieŭstanoŭlenaha typu (mierkavana, udarnych) zachodzili na Čarnihaŭščynu z boku Biełarusi.
Tady taksama nie fiksavalisia dakładny čas i miesca pierasiačeńnia miažy — z taho času zaloty rasijskich bieśpiłotnikaŭ stali nietypovymi, što moža śviedčyć pra źmianieńnie taktyki atak rasijskaj armii.
-
«Polšča stała nie taja, što raniej». Emihranty, jakija viarnulisia ŭ Biełaruś, patłumačyli čamu i padzialilisia ŭražańniami
-
Stała viadoma, navošta na fasad adnaho z histaryčnych budynkaŭ u Minsku padčas rekanstrukcyi pastavili mietaličnyja kałony
-
«Va Ukrainie nichto nie vieryć, što tam takoje robicca». Ukrainiec, jakoha zatrymali ŭ Biełarusi za dva dni da vajny, raskazaŭ pra pakuty za kratami
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady6
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary