Muž i žonka padmanuli z nadmahilnymi pomnikami bolš za 100 čałaviek
U Breście sud prysudziŭ muža i žonku da pazbaŭleńnia voli za toje, što jany padmanuli bolš za 100 čałaviek, abiacajučy pastavić pomniki na mohiłkach. Ich pryznali vinavatymi ŭ machlarstvie pavodle č. 2 i 4 art. 209 Kryminalnaha kodeksa.
Para pracavała dyrektaram i namieśnikam dyrektara ŭ kampanii, jakaja vyrablała pomniki. Z kanca 2021 hoda da červienia 2024 hoda jany zaklučali damovy ź ludźmi, brali pieradapłatu, choć viedali, što nie zmohuć vykanać uziatyja abaviazki całkam i ŭ termin.
Za try hady jany atrymali bolš za 720 tysiač rubloŭ ad 116 paciarpiełych, ale padčas śledstva viarnuli tolki 200 tysiač.
U vyniku mužčyna asudžany na 9 hadoŭ, žančyna — na 7 hadoŭ pazbaŭleńnia voli. Akramia taho, im pryznačyli štraf u pamiery 100 bazavych vieličyń kožnamu (pa 4200 rubloŭ). Sud taksama pastanaviŭ spahnać ź ich sumiesna materyjalnuju škodu na karyść 42 paciarpiełych i kampiensacyju maralnaj škody dla 22 čałaviek.
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj12
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary