U 500-hadovym chramie-krepaści ŭ Muravancy Ščučynskaha rajona źjavilisia raskoliny na sklapieńniach na vyšyni 12 mietraŭ. Prychod samastojna vyrašyć prablemu nie moža z-za adsutnaści finansaŭ. Dy i pa zakonie zajmacca ramontam u staradaŭniaj carkvie nielha — chram adnosicca da nulavoj katehoryi, heta značyć maje status abjekta historyka-kulturnaj kaštoŭnaści, uklučanaha ŭ papiaredni śpis Suśvietnaj spadčyny JUNIESKA, piša Hrodna.life.
Pra prablemu raskazali na dziaržaŭnym resursie news.by.
Nastajaciel prychoda chrama Rastva Praśviatoj Baharodzicy ŭ Muravancy ijerej Aleh Zasim raskazaŭ, što tynkoŭka na 12-mietrovaj vyšyni rastreskałasia. Nieviadoma, heta tolki paviarchoŭnyja paškodžańni ci raskoliny zakranajuć i sami sklapieńni. Dla taho, kab vyśvietlić maštab paškodžańniaŭ, nieabchodnyja łabaratornyja daśledavańni.
«Treba zrazumieć, u jakim jana stanie [apynułasia] za minułyja 200 hadoŭ. Kali niama adsłajeńnia, to ŭsio adno treba hetyja raskoliny staranna zatynkavać, staranna zašpaklavać. Sama stol užo čornaja. Vy bačycie, u jakim jana stanie. Sami bialić jaje my nie možam nijak», — kaža śviatar.
Ciapier parafija, architektary i pradstaŭniki Hrodzienskaj dyjacezii šukajuć sponsaraŭ, jakija mahli b apłacić i daśledavańni, i pracu śpiecyjalistaŭ pa restaŭracyi śviatyni.
Taksama, pa słovach nastajaciela, u chramie nie chapaje vientylacyi i sučasnaj elektrapravodki, ale i na heta pakul hrošaj taksama niama.
Darečy, ŭ 2022 hodzie chram atrymaŭ hrant ad dziaržavy na restaŭracyjna-kansiervacyjnyja raboty. Na ramont Muravanki tady nakiravali 550 tysiač rubloŭ. Restaŭracyju pačali vosieńniu 2022 hoda. Jana ŭklučała ŭ siabie abnaŭleńnie fasadaŭ: pierakłali, dzie heta patrabavałasia, cehłu, źniali bolš poźnija płasty farby, a taksama byli zroblenyja ramont dachu i zamiena vadaściokavaj sistemy.
Śviata-Rastva-Baharodzickaja carkva, viadomaja jak Muravanka (pa naźvie vioski) — pomnik abarončaha dojlidstva. Jana była zbudavanaja pamiž 1516 i 1542 hadami, maje stylavyja adznaki biełaruskaj hotyki z elemientami reniesansu. Mocna paciarpieła ŭ vojnach XVII-XVIII stahodździaŭ, była ŭ zaniadbańni. U XIX stahodździ pieražyła kapitalny ramont, u 1920-ja hady dziejničała jak kaścioł. U 1989 hodzie carkvu viarnuli pravasłaŭnym viernikam.
Vakoł carkvy-krepaści ŭ Muravancy śpiłavali ŭsie staryja drevy — sumnyja FOTY
Pieršy etap restaŭracyi abarončaha chrama ŭ Muravancy amal skončany. Dalej voźmucca za hatyčnyja interjery
Zhareŭ šedeŭr narodnaj architektury Paleśsia — carkva ŭ Ściapankach. Jana zastałasia na fotach «Našaj Nivy»
Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary
Ciapier čytajuć
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ18
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary