Dziesiać łajfchakaŭ, jak palepšyć pracu pralnaj mašyny i lepš admyvać rečy

Dziesiać sposabaŭ zrabić praces prańnia bolš efiektyŭnym i pry hetym ekanomnym prapanuje ekśpiert vydańnia The New York Times Lijam MakKiejb.

1. Karystajciesia chałodnaj vadoj dla prańnia — heta bieraže adzieńnie i krychu ekanomić enierhiju

Chałodnaja vada dobra admyvaje plamy, a niekatoryja myjnyja srodki pracujuć lepš pry nizkich tempieraturach, bo ŭ ich jość enzimy, jakija nie lubiać ciapła. Tak, niekatoryja ź ich byli znojdzieny ŭ pryrodzie ŭ takich chałodnych miescach, jak Isłandyja ci Antarktyda.

Lepš pastavić režym pralnaj mašyny na vykarystańnie chałodnaj vady pa zmaŭčańni. Heta dapamoža zachavać kolery adzieńnia, asabliva jarkija, bo ciopłaja vada vymyvaje farbu abo paškodžvaje tkaninu.

Akramia hetaha, vy zmožacie trochi źmienšyć raschod elektryčnaści, kali budziecie pieravažna prać adzieńnie ŭ chałodnaj vadzie.

2. Adzieńnie mocna pachnie ci maje tłuščavyja plamy? Tady dapamoža haračaja vada

Chałodnaja vada nie zaŭsiody prydatnaja. Kali na vopratcy jość tłuščavyja plamy — u tym liku ad potu — lepš jaje myć u ciopłaj abo haračaj vadzie.

Tłušč, jaki vydzialajecca skuraj, nie całkam vymyvajecca i stanovicca ježaj dla bakteryj, što i vyklikaje niepryjemny pach.

Niekatoryja pralnyja srodki častkova razburajuć hety tłušč, ale biez haračaj vady bakteryi i ich «ježa» časta zastajucca. Tamu, kali spartyŭnaja vopratka, ručniki abo paściel paśla myćcia ŭsio jašče śmiardziać, pasprabujcie pastavić režym vykarystańnia ciopłaj abo haračaj vady.

Pavialičyć

Adnak majcie na ŭvazie: nie ŭsie sintetyčnyja tkaniny vytrymlivajuć vysokuju tempieraturu. Tamu vykarystoŭvajcie hety sposab, kali sapraŭdy treba, a nie na pastajannaj asnovie.

3. Na vopratcy plama, jakuju ciažka admyć? Karystajciesia funkcyjaj «Pieradmyćcio (Papiaredniaje myćcio)»

Plamy byvajuć nastolki ŭstojlivyja, što adnaho zvyčajnaha myćcia moža nie chapić. Zamiest taho kab zamočvać abo myć vopratku ŭručnuju, vybierycie funkcyju «Pieradmyćcio» (Pre-Wash), kali jana jość u vašaj pralnaj mašynie.

Hety režym dadaje karotkaje myćcio, zvyčajna chałodnaj vadoj, pierad asnoŭnym cykłam. Jon dapamahaje zmyć hruby brud (jak, naprykład, ziamlu), a taksama dazvalaje vykarystoŭvać asobny pralny srodak — ź inšym składam — jaki lepš adbiare niekatoryja plamy abo nadaść rečam śviežy vyhlad.

4. Nie spadziavajciesia na režym «Zvyčajny»

Nielha skazać, što zvyčajny cykł drenna pracuje. Nasamreč, jon vydatna vydalaje bolšaść typaŭ plam, bo nizki ŭzrovień vady pavyšaje kancentracyju pralnaha srodku ŭ joj i spryjaje lepšamu vymyvańniu brudu.

Ale ŭ realnym žyćci heta nie zaŭsiody najlepšy vybar. Cykł «Zvyčajny» raspracavany hałoŭnym čynam, kab adpaviadać patrabavańniam ekanomii i atrymlivać vysokija adznaki ŭ rejtynhach. Tamu varta vyvučyć instrukcyju i daviedacca ab pryznačeńni inšych cykłaŭ, jaki bolš adpaviadajuć myćciu, naprykład, dalikatnych tkanin albo paścieli.

Viedańnie ŭsich naład vašaj mašyny dapamahaje mieć na vychadzie čyściejšuju i lepš zachavanuju vopratku i bializnu.

5. Vykarystoŭvajcie bolš vady, kab admyć brud i poŭść chatnich žyvioł

Kab vydalić z vopratki plamy ad kavy abo potu, šmat vady nie treba. Ale kali sprava tyčycca hrazi, puchu, poŭści chatnich žyvioł ci źmieściva dziciačych pialonak, to lepš vykarystoŭvać bolš vady. U małavodnym režymie brud moža nie vymycca, a zastacca na vopratcy — jak byccam vy pamyli ŭ brudnaj vadzie.

U bolšaści mašyn jość opcyi, jakija pavialičvajuć kolkaść vady. Heta mohuć być režymy «Mocna zabrudžanyja tkaniny» (Heavy), «Kalarovyja tkaniny» (Colors) abo dadatkovyja funkcyi kštałtu «Dadać vady» (Add Water), «Poŭnaje zapaŭnieńnie» (Deep Fill). Padobny efiekt maje i ŭžo zhadany režym «Pieradmyćcio» (Pre-Wash).

Paraškovyja pralnyja srodki taksama mohuć dapamahčy, bo jany źmiaščajuć kampanienty, što pieraškadžajuć brudu znoŭ zamacoŭvacca na tkaninie.

6. Dadatkovaje pałaskańnie — suprać reštkaŭ myjnych srodkaŭ

Kab reštki myjnaha srodku i inšych ačyščalnych srodkaŭ, takich, jak kandycyjanier dla tkaniny abo adbielvalnik, nie zastavalisia na adziežy i paścieli, pry dadavańni nie pierabarščycie ź ich kolkaściu. Taksama varta čas ad času čyścić pralnuju mašynu i zamočvać vopratku (pra heta paźniej).

Ale navat kali vy budziecie prytrymlivacca hetych parad, navat vysokaefiektyŭnyja mašyny ŭsio roŭna nie zmohuć daskanała zmyć reštki roznych srodkaŭ.

Tamu, kali ŭ vašaj mašynie jość funkcyja dadatkovaha pałaskańnia, varta jaje ŭklučać — asabliva pry myćci dziciačaj, dalikatnaj ci spartyŭnaj vopratki.

Pavialičyć

7. Zamiest «hłybokaha zamočvańnia» vykarystaj zvyčajnaje ŭ pralnaj mašynie

Trend na «hłybokaje zamočvańnie» (Laundry stripping) staŭ papularny ŭ čas pandemii. Jon praduhledžvaje doŭhaje zamočvańnie bializny ŭ vańnie z haračaj vadoj, pralnym paraškom ci inšymi srodkami dla dezynfiekcyi i kab efiektyŭniej pazbavić jaje nazapašanaha brudu, tłušču i pachaŭ.

Ale na samaj spravie heta ničym nie lepš za zvyčajnuju funkcyju «Zamočvańnie» (Soak) u pralnaj mašynie. Kali takoj funkcyi niama, to možna mašynu prosta pastavić na paŭzu, kali baraban napoŭnicca vadoj.

8. Chočacie aščadzić čas? Skarystajciesia režymam chutkaha myćcia

Zvyčajny cykł u sučasnych mašynach doŭžycca prykładna hadzinu. Ale ŭ mnohich madelach jość chutkija prahramy — jany nazyvajucca «Chutki» (Quick), «Ekspres» ( Express) abo «Ekanomija času» (Time Saver). Zvyčajna jany krychu pavialičvajuć uzrovień nahrevu i vady, kab kampiensavać bolš karotki čas myćcia.

Kali vaša pralnaja mašyna maje opcyju ŭzroŭniu zabrudžvańnia (Soil Level), vybar nižejšaha režymu taksama moža skaracić čas.

Ale majcie na ŭvazie: chutkija cykły myjuć horš, horš adciskajuć i časam pry ich kiepska zmyvajecca parašok. Tamu ich lepš vykarystoŭvać dla amal čystaj vopratki, kali treba pamyć chutka i niama vialikaha brudu.

9. Kab skaracić čas suški, pavialičcie chutkaść adciskańnia

Zvyčajna pralnyja mašyny nie vykarystoŭvajuć maksimalnuju chutkaść adciskańnia pa zmaŭčańni. Heta robicca, kab nie pierahružać miechanizmy i kab vopratka vychodziła z mašyny nie takoj miataj — asabliva kali rečy ŭ barabanie raźmieščanyja niaroŭna.

Ale ŭ mnohich mašynach, asabliva z frantalnaj zahruzkaj, možna samastojna pavialičyć chutkaść adciskańnia. Čym macniej mašyna adciskaje, tym mienš vady zastajecca ŭ adzieńni — a značyć, jano chutčej vysachnie ŭ sušyłcy abo na viaroŭcy.

Pavialičyć

Prosta pavialičyć čas adciskańnia — małaefiektyŭna. Jak kažuć śpiecyjalisty, sapraŭdnaje skaračeńnie vilhaci daje mienavita vyšejšaja chutkaść kručeńnia, a nie praciahłaść. Bolš staryja madeli ź vierchniaj zahruzkaj mahli adciskać tolki na 700 abarotach u chvilinu, a sučasnyja — da 1600. Heta realnaja roźnica.

10. Dajcie pralnaj mašynie ačyścicca samoj

Pralnaja mašyna taksama patrabuje dohladu. Z časam ŭnutry jaje, asabliva ŭ humcy dźviarej, za łatkom dla srodkaŭ i ŭ źliŭnym filtry — moža źjaŭlacca ćvil i niepryjemny pach.

Kab hetaha nie zdaryłasia, pieryjadyčna zapuskajcie cykł samaačystki (Self Clean abo Tub Clean) z pustym barabanam i śpiecyjalnym srodkam dla čystki. Heta vydalić reštki parašku, śliź i mikroby.

Taksama nie zabyvajcie čas ad času pracirać humki i łatki, a kali jość filtr — čyścić i jaho. Heta dapamoža padtrymlivać mašynu čystaj i biez pachaŭ.

Takija prostyja kroki dapamohuć pazbavicca ad brudu i pachaŭ. Navat kali ŭ vašaj mašynie niama ŭsich pieraličanych funkcyj, to ciapier vy viedajecie, na što źviartać uvahu, kali budziecie vybirać novuju.

• 11
• 1
• 1
• 2
• 0
• 0
• 0
• 0