Dadajcie sodu ŭ pralnuju mašynu — efiekt vam spadabajecca
Šmat stahodździaŭ ludzi viedajuć pra niezvyčajnyja ŭłaścivaści sody. Haspadyni časta vykarystoŭvali jaje padčas prańnia, bo soda nie tolki dobra adbielvaje, ale i dapamahaje vydalać plamy. Jak ža heta pracuje?
Adbielvać adzieńnie moža nie tolki soda, ale i razrychlalnik. Abodva pradukty vydatna padychodziać da adbielvańnia adzieńnia, jakoje nabyło žoŭtaje ci šeraje adcieńnie, raskazvaje aniaradzi.pl.
Pierad prańniem varta zamačyć adzieńnie ŭ rastvory vady z sodaj ci razrychlalnikam. Prykładna praz hadzinu kińcie adzieńnie ŭ pralnuju mašynu, dadaŭšy papiarednie ŭ jaje pralny parašok, źmiešany z sodaj abo razrychlalnikam. Kala 1—2 stałovych łyžak budzie dastatkova.
Charčovaja soda taksama vielmi dobra vydalaje plamy. Kab skarystacca hetaj jaje jakaściu, źmiašajcie 3 čajnyja łyžki sody i 2 stałovyja łyžki vocatu i natrycie atrymanaj sumieśsiu plamy. Pakińcie rečy na hadzinu, a potym adpraŭcie ich u pralnuju mašynu.
I heta jašče nie ŭsio, bo charčovaja soda moža adoleć navat tłušč. Zalicie tłustuju plamu kipniem i dobra pasypcie jaje sodaj — paśla prańnia plama pavinna źniknuć. Možna vielmi prosta vydalić plamy ad travy: dla hetaha zrabicie rastvor ź ciopłaj vady i 3—4 čajnych łyžak sody. Kali soda raspuścicca, treba pracierci plamu rastvoram i pamyć adzieńnie.
Tolki majcie na ŭvazie, što soda i razrychlalnik padychodziać nie dla ŭsich tkanin. Kali ŭ vas adzieńnie ź sintetyki abo dalikatnych materyjałaŭ nakštałt šoŭku, šukajcie inšyja mahčymaści dla adbielvańnia i vyviadzieńnia plam.
Kamientary
Jeśli tolko mieški dla kartoški stirať... I to prochudiatsia v momient...