Hety mietad dapamoža vam zekanomić na myćci adzieńnia. Jon vielmi prosty
Bolšaść ludziej myje adzieńnie z dapamohaj pralnaj mašyny, tym bolš što heta našmat lahčej, čym rabić heta rukami. Na žal, takoje myćcio patrabuje šmat elektryčnaści i vady, tamu treba stavicca da jaho racyjanalna. Ale ž časam ciažka acanić, ci źjaŭlajecca kolkaść zahružanaj u mašynu bializny aptymalnaj.
Myćcio ŭ mašynie vyhladaje vielmi prostaj zadačaj: treba ŭsiaho tolki pakłaści brudnaje adzieńnie ŭ mašynu, dadać srodak i vybrać režym. Ale ž nielha kłaści ŭ mašynu zanadta šmat rečaŭ, bo tady myćcio budzie mienš jakasnym, dy i mašyna moža złamacca. Heta pryviadzie da novych vydatkaŭ, tłumačyć onet.pl.
Kab źbierahčy techniku, prymianiajcie prosty sposab, efiektyŭnaść jakoha paćviardžajuć vytvorcy pralnych mašyn. Paśla taho, jak vy zapoŭnili mašynu brudnymi rečami, pasprabujcie prasunuć pamiž imi i ścienkaj barabana mašyny svaju ruku z rastapyranymi palcami. Kali ruka svabodna tam źmiaščajecca, to kolkaść zahružanaha adzieńnia aptymalnaja i, mahčyma, možna niešta dadać; kali ruce niama miesca — lepš vykłaści lišniaje adzieńnie.
Kali vy skarystajeciesia hetym mietadam, adzieńnie budzie zajmać prykładna 80% abjomu pralnaj mašyny. Tady myćcio budzie najbolš efiektyŭnym i nie naniasie škody mašynie.
Dadatkovaja parada: zahružajcie rečy ŭ mašynu pa adnoj, kab jany nie zabłytalisia ŭ kłubok, bo taki stan rečaŭ taksama nie nadta spryjaje myćciu.
Paničnyja ataki: čamu jany ŭźnikajuć i jak ich adolvać?
Karotki hajd, jak zrabić ułasny VPN za paru chvilin i nul vydatkaŭ
Ekśpiert pa biaśpiecy zaklikaje vydalić usie asabistyja paviedamleńni ŭ Twitter paśla kupli jaho Maskam — i voś čamu
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary