Ułady ZŠA papiaredzili pakupnikoŭ adnaho ź vidaŭ enierhietyčnych napojaŭ, kab jany praviarali, što ŭ ich u blašancy, pierš čym zrabić vialiki hłytok. U blašanki z łahatypam hetaha napoju trapiła harełka, paviedamlaje Bi-bi-si.
Upraŭleńnie pa kantroli jakaści charčovych praduktaŭ i miedykamientaŭ (FDA) vypuściła papiaredžańnie pra toje, što ŭ bankach dla napoju Celsius Astro Vibe Blue Razz akazałasia harełka-sieltar — harełka, razbaŭlenaja fruktovaj haziroŭkaj.
«Užyvańnie vadkaści z hetych banak pryviadzie da pahłynańnia ałkaholu», — kanstatuje vidavočnaje FDA.
Heta adbyłosia z-za taho, što pastaŭščyk tary pa pamyłcy adpraviŭ blašanki dla Celsius vytvorcu harełki-sieltara, kampanii High Noon.
Čamu taja nie zaŭvažyła pamyłku, u paviedamleńni FDA nie skazana, ale tak ci inakš, byŭ raźlity ałkaholny napoj, i hetyja banki trapili ŭ ŭpakoŭki z pravilnaj markiroŭkaj. Tamu High Noon adklikaje dźvie partyi ŭpakoŭki svajho napoju Beach Variety, pa 12 blašanak va ŭpakoŭcy.
Hetyja ŭpakoŭki 21—23 lipienia byli adpraŭleny ŭ Fłarydu, štat Ńju-Jork, Ahajo, Paŭdniovuju Karalinu, Virdžyniju i Viskonsin.
Ciapier čytajuć
«Paŭstańnia takich pamieraŭ u Biełarusi nikoli nie było». Historyk raskazaŭ, čym unikalny 2020-ty i što my voźmiem ź jaho na budučyniu7
Kamientary