Kvatery ŭ hetych damach davali alimpijskim čempijonam. Kolki ciapier tut kaštuje žyllo?
Damy — zvyčajnyja panelki, ale zatoje zakrytyja ŭjezdy sa šłahbaumami, utulnyja dvary i simpatyčnyja choły.
Krychu bolš za 25 hadoŭ tamu na ŭskrainie Viaśnianki pačali ŭzvodzić kvartał bieła-błakitnych panelnych damoŭ, jakija ŭ narodzie prazvali «alimpijskimi». Kvaterami ŭ šmatpaviarchovikach u svoj čas premiravali alimpijskich čempijonaŭ. Ciapier kompleks moža pachvalicca začynienymi dvarami, šłahbaumami i bahataj infrastrukturaj pa susiedstvie. Kolki tut ciapier kaštuje žyllo, piša Realt.
«Alimpijski» kompleks naličvaje 13 damoŭ. Usio heta — panelnyja budynki na 7-17 pavierchaŭ. Raźmieščany šmatpaviarchoviki na vulicach Cimirazieva i Viasiołkavaj. Jašče ŭ kancy 80-90-ch hadoŭ u hetych miescach zachoŭvalisia reštki vioski Hlinišča.
Panelnyja damy, jakija atrymali ŭ narodzie nazvu «alimpijskich», pačali ŭzvodzić na ŭskrainie Viaśnianki krychu bolš za 25 hadoŭ tamu. Pieršymi jašče ŭ 1999 hodzie pabudavali 4 damy z błakitnymi mansardnymi dachami na Viasiołkavaj. Nastupnyja budynki, uklučajučy vyšynnyja damy MAPIDa, źjavilisia ŭ 2001, 2007 i 2008 hadach.
Budavała šmatpaviarchoviki kampanija «Alimpijskija prajekty». Za hady svajoj pracy jana taksama ŭźviała budynak štab-kvatery Nacyjanalnaha alimpijskaha kamiteta, žyłyja damy ŭ Instrumientalnym zavułku i na vulicy Filimonava.
Niahledziačy na toje, što novabudoŭli ŭjaŭlajuć saboj pa sutnaści zvyčajnyja panelki, jany atrymali zakrytyja ŭjezdy sa šłahbaumami, jomistyja parkoŭki, utulnyja dvary i dobraje azielanieńnie. Kirujuć majomaściu tavarystvy ŭłaśnikaŭ. Unutry damoŭ (asabliva apošnich) — jakasnaje sučasnaje azdableńnie, Simpatyčnyja choły i akuratnyja leśvičnyja kletki.
Kvaterami ŭ bieznazoŭnym žyłym kompleksie ŭ svoj čas premiravali paralimpijcaŭ i alimpijskich čempijonaŭ, adsiul i narodnaja nazva šmatpaviarchovikaŭ. Taksama žyllo tut prapanoŭvali spartsmienam i trenierskamu składu, bo pobač raźmieščana šmat spartyŭnych ustanoŭ, uklučajučy Instytut fizkultury i mnohija inšyja.
Darečy, u samyja pieršyja hady žyłyja budynki stajali litaralna ŭ čystym poli, na samaj uskrainie Minska. Nijakaha Lebiadzinaha, kitajskaha ŽK «Pramienad», «Łazuryta», Minsk-Areny i inšych znakavych abjektaŭ tut prosta nie było. Ź infrastruktury — uzorna-pakazalnaja krama «Radziviłaŭski» i rynak Ždanovičy.
Siońnia ž rajon, u jakim raźmieščany damy, možna nazvać prestyžnym. U krokavaj dastupnaści jość usio, što treba dla žyćcia — handlovyja kompleksy, škoły, dziciačyja sady, miedycynskija ŭstanovy, biznes-centry. Pobač — praśpiekt Pieramožcaŭ. Dla amataraŭ piešych prahułak — dobraŭparadkavanaja nabiarežnaja raki Śvisłač i vadaschovišča Drazdy.
Kolki tut kaštujuć kvatery?
Žyllo ŭ «alimpijskich» damach karystajecca popytam, i svabodnyja kvatery tut źjaŭlajucca nie časta. Tak, ciapier u 13 damach pradajecca ŭsiaho adna kvatera.
Adzinaja prapanova — dvuchpakajovaja kvatera, raźmieščanaja na 17-m paviersie 19-paviarchovaha panelnaha doma 2008 hoda pabudovy. Ahulnaja płošča dvuchpakajoŭki składaje 68 kvadratnych mietraŭ. Vokny kvatery vychodziać na roznyja baki.
Unutry — ciopłyja padłohi, stylnaja plitka ŭ kuchni i kalidory, a ŭ žyłych pakojach — vysakajakasnaja parkietnaja doška. Sa spalni jość vychad na vialiki bałkon, na jakim zona adpačynku z vyhladam na horad.
Košt kvatery — 129,9 tysiačy dalaraŭ (1899 dalaraŭ za mietr).
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary