Zachodnija śpiecsłužby fiksujuć źnižeńnie kolkaści rasijskich dyviersij u Jeŭropie
Pavodle zachodnich raźviedak, kolkaść dyviersij, jakija, jak miarkujecca, arhanizoŭvali rasijskija śpiecsłužby ŭ Jeŭropie, pačała źmianšacca. Pra heta paviedamlaje vydańnie Bloomberg, spasyłajučysia na nienazvanych jeŭrapiejskich i amierykanskich čynoŭnikaŭ.
Zhodna z danymi Mižnarodnaha instytuta stratehičnych daśledavańniaŭ (IISS), z pačatku 2025 hoda da maja zafiksavana 11 vypadkaŭ rasijskaha sabatažu, u tym liku sproby paškodžańnia aptyčnaha vałakna i mabilnych viežaŭ u Šviecyi.
U 2024 hodzie takich incydentaŭ było bolš za 30 — jany zakranali enierhietyčnuju infrastrukturu, suviaź, transpart, vajskovyja i cyvilnyja abjekty, a taksama padvodnyja sistemy.
Pavodle mierkavańnia krynic, źnižeńnie aktyŭnaści pačałosia vosieńniu 2024 hoda paśla taho, jak ZŠA pieraścierahli Rasiju ad dalejšych hibrydnych atak. Heta adbyłosia na fonie sieryi pažaraŭ na łahistyčnych centrach DHL u Hiermanii i Polščy, a taksama paviedamleńniaŭ pra mahčymyja sproby zakłaści vybuchoŭku na hruzavyja rejsy ŭ ZŠA.
Adnoj z pryčyn spadu ličycca nienadziejnaść vykanaŭcaŭ, jakich najmali siarod kryminalnikaŭ na miescach. Hučnyja aryšty i sudovyja spravy zrabili takija apieracyi bolš ryzykoŭnymi. Akramia taho, źnižeńnie moža być źviazana z palityčnymi mierkavańniami — naprykład, z žadańniem nie razdražniać ZŠA na pačatku prezidenctva Donalda Trampa.
Taksama isnuje mierkavańnie, što ŭ rasijskaha HRU (jakoje, jak miarkujecca, adkazvaje za hetyja apieracyi) prosta nie chapaje resursaŭ.
Kreml nie prakamientavaŭ adpaviedny zapyt Bloomberg, a raniej pres-sakratar Dźmitryj Piaskoŭ nazyvaŭ abvinavačvańni na adras Rasii «absalutna biespadstaŭnymi».
U mai premjer-ministr Polščy Donald Tusk adkryta abvinavaciŭ rasijskija śpiecsłužby ŭ padpale handlovaha centra ŭ Varšavie (zdareńnie adbyłosia ŭ 2024 hodzie). U lipieni paviedamlałasia, što ŭ Polščy zatrymali 32 čałavieki pa padazreńni ŭ supracoŭnictvie z rasijskimi raźviedvalnymi strukturami.
Taksama ŭ lipieni troje čałaviek u Vialikabrytanii byli asudžanyja za padpały składoŭ kampanii, što pastaŭlała Starlink dla Ukrainy. Rasiju taksama abvinavačvali ŭ hłušeńni GPS-sihnałaŭ i sprobie zamachu na kiraŭnika niamieckaha abaronnaha kancerna Rheinmetall.
U Polščy zatrymanyja 32 čałavieki za supracoŭnictva z rasijskimi śpiecsłužbami. Siarod ich jość i biełarusy
Vialikabrytanija nazvała imiony 18-ci pucinskich špijonaŭ
«Vahnier» zavierbavaŭ ludziej u Łondanie, kab tyja vykrali rasijskaha biznesmiena Čyčvarkina. Adzin ź ich pierapisvaŭsia z «Minsk KGB»
«Haniebny akt dyviersii». Polšča začyniaje konsulstva Rasii ŭ Krakavie z-za padpału handlovaha centra
Seks-cacki i DHL: jak Rasija z dapamohaj błatnych razhortvała dyviersijnuju sietku ŭ Jeŭropie
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary